වෙසක් කාඩ්

ඕං අදත් කැත නැතුව ඉල්ලං කෑව.වෙන කවුරුවත් නෙවෙයි,මම.
කස්ටිය දන්නවනේ මගේ පාරමී* ගැන.ඉතින් එයාටයි,එයාගේ යාලුවන් 3 දෙනාටයි(දෙන්නව සේප් කොරන අය.)වෙසක් කාර්ඩ් එකක්වත් දෙන්න එපාය.
ඊයේ පෙරේද දවසක් මමයි,තව එකෙකුයි ගියා කාඩ් බලන්න.බලල අරගත්තේ නෑ මොකද ගෙදර ගෙනාවහම මාස්ටු වෙනවනේ.
අද කොල්ලා ගාලු පුරවරේ ගිහිපු වෙලේ වෙසක් කාර්ඩ් ගත්ත කියමුකෝ.
තෝරල තෝරල පාරමී*ට එක කාඩ් එකකුයි,අනිත් තුන්දෙනාට අතට අහුවෙච්ච(කවියක් දිහාවත් බැලුවේ නෑ.බුද්ධ රූප තිබුනේ.පාරමී*ගේ එකේ රෝස මලක්.) කාඩ් තුනකුයි.(පාරමී*ගේ කාඩ් එක තෙරුවේ හොඳ කවියක් ඕන නිසා.)
අරගෙන එහෙමම බෑග් එකේ දා හත්ත.
බස් එකේ එන ගමන් කවි ටික බලන්නත් එක්ක බෑග් එකෙන් ඇදල ගත්ත.බැලින්නම් අර අතට අහුවෙච්ච්යින් ගනිපු කාඩ් තුනේම තියෙන්නේ එළ කවි.
"අපි දෙන්නා එකට ගිහින් මල් පුදමු"
 වගේ අර්ථේ තමා.
මට බස් එක කියල මතක නැතුවෙ කෑගැහුනනේ ඒක දැක්ක ගමන්ම.
"යකෝ,මේව කොහොමද කෙල්ලොන්ට දෙන්නේ?"
මගේ වම් අත පැත්තේ හිටපු එකා මූන හංගගෙන.දකුනු පැත්තේ හිටපු එකා මං දිහා බලාගෙන කට අල්ලං හිනා.බස් එකෙන් බාගයක් විතර මං දිහා බලාගෙන.වෙලාවට අඳුරන අය හිටියේ නෑ.
හැබැයි සමහර අක්කලා(අඳුරන්නෙත් නෑ.)
"මල්ලි අපි බහින්නම්"
කියල නෝන්ඩි හතේ හිනාවක් දාගෙන ගියා.එපා වෙනව මෙහෙම වෙනකොටනම්...
ඔන්න තාම වෙසක් කාඩ් ගනිපු නැති අයට කියන්නේ,ආයි වෙසක් කාඩ් ගන්නකොට මතක් වෙලා කවිය කියවලා අර්ථය හොඳට හොයල බලල ගන්න...