web 2.0

Monday, May 30, 2011

"බුදු හාමුදුරුවො වැඩියා වාගෙ"


ගොඩ කාලෙකින් කෝපි කඩේට කතාවක් ලිව්වෙ නෑනෙ.මගෙ බ්ලොග් එක අප්ඩේට් කලෙත් මේ ඊයෙ.අනේ මන්දා ලියන්න දේවල් හිතට ආවෙ නෑ.කොහොමින් හරි ඒ කතාව පැත්තකින් තියමුකෝ..මන් ආස කරන සින්දුවක් ගැන ලියන්නයි හදන්නෙ.ම්ම්..සින්දුව තමා සනත් නන්දසිරි මහතා ගායනය කරන බුදු හාමුදුරුවො වැඩියා වාගෙයි කියන සින්දුව..අම්මා කෙනෙක් ගෙ ආදරේ වගේම තමන් කල වැරදි ගැන පසුතැවෙන පුතෙකුගේ කවි සිතුවිල්ලක් වගේ..හිතට දැනෙන සින්දුවක්.මේක ගැන ලියන්න කියලා අදහස දුන්නෙ මගෙ ලඟින්ම ඉන්න මන් ගොඩාක් ගරු කරන අයියා කෙනෙක්.


"බුදු හාමුදුරුවො වැඩියා වාගෙයි පින්බර ස්වාමිනේ
දුක හිතිලද හිර ගෙදරට වැඩියේ මාගෙ මරණ දිනේ
මගෙ අම්මා වත් දොර‍ටුව අද්දර හිටියද කියනු මැනේ
මා ගෙලලූ බව ඇයට කියනවද බුදු බව ලැබෙයි අනේ

අනේ ස්වාමිනි මා ගෙල ලන්නට ඉඩ නම් දෙන්න එපා
ගෙලවැලලූවොත් මගෙ මළ කඳ අම්මට පෙන්නන්න එපා
ඇතිදා ලඟ උන් මිතුරන් මතු සසරෙදි හමු වෙන්න එපා
නැති දා ලඟ උන් බුදු අම්මේ නුඹ දුක් ගිනි ගන්න එපා

බුදු හාමුදුරුවො....

නොදැන කෙරූවත් වරද වරදමයි නැත කිසි දිනක සමා
මරණයෙ දොරකඩ සිට ඔබ පා යුග සිඹ සමු ගනිමි මෙමා
කෙලිලොල් කම් කෙරු මා සතු දිවිමග දැන් දැන් වේවි නිමා
මරණ බයක් නෑ අම්ම සිහිවෙයි........................................

බුදු හාමුදුරුවො වැඩියා වාගෙ පින්බර ස්වාමිනේ
දුක හිතිලයි මා හිරගෙට ආවෙ පුතුගේ මරණ දිනේ
දුදනන් ඇසුරින් පරපණ නැසුවත් නුඹ මගෙ පුතුය අනේ
මතු උපදින දා මගෙම පුතු වෙයන් හොඳ මිනිසකු ලෙසිනේ.."


වැරදි යාලුවො නිසා තවත් කෙනෙක් ගෙ දිවි උදුරගත්ත පුතෙක් මරණ දඬුවම විදින්නට මොහොතකට පෙර වැඩම කල ස්වාමින් වහන්සේ කෙනෙකු අබියස වැඳ වැටෙන හැටිත් අම්මා කෙනෙක් ගෙ අපිරිමිත දාරක ප්‍රේමයත් හිත තුල සිත්තම් කරන්නට මේ පද පෙල සමත්..පුතු තමන්ගෙ වැරදි ගැන පසුතැවුනත් ඒ වැරදි හදාගන්නට ඔහුට ඉඩක් නැහැ,මතු බවයෙ වැරදි යහලුවන් නම් ලැබෙන්න එපා කියලා ඔහු ප්‍රාර්ථනා කරනවා.මේ සිදුවීම ඇත්තටම අපේ සමාජයේ දකින්න පුලුවන් නේද?වැරදි යාලුවො නිසා අදටත් මහ උලු ගෙදර තනි වෙලා ඉන්න අය කී දෙනෙක් නම් ඇත්ද?ඒ අය වටා හිටිය යහලුවන් යැයි කියාගත්තවුන් අතහැර යද්දි අම්මා ඒ දරුවට ආදරේ කරන හැටි හරි පුදුමයි.කොයිතරම් බැන්නත් ගැහුවත් පුතෙක් වැරදි කලත් අම්මා කෙනෙක් ඒ දරුවව අත් හරින්නෙ නෑ,ඒ කතාත් මේ පැදි පෙලේ අවසානය වගෙමයි..

"දුදනන් ඇසුරින් පරපණ නැසුවත් නුඹ මගෙ පුතුය අනේ
මතු උපදින දා මගෙම පුතු වෙයන් හොඳ මිනිසකු ලෙසිනේ."

මොන වැ‍රැද්ද කලත් අම්ම කෙනෙක් තමන්ගෙ දරුවව අත අරින්නෙ නැහැ..ඒ නිසාම ගොඩාක් ප්‍රශ්න වලදි මං අඬා වැටෙන්නෙ අම්මා ගාව..ඒ වගේම තවත් කෙනෙක් ගෙ ලේ තමන්ගෙ අත්වල ගාව ගන්න තරම් නපුරු උන මේ පුතා අම්මගෙ සෙනෙහසට ආදරේ කරන හැටි?කොයි සෙනෙහසටද පුලුවන් ඒ තරම් නපුරු වුන තද හිතක් අඬවන්න.අම්මගෙ සෙනෙහසට විතරමයි..මරණයට බය නැති උනත් මේ ලෝකෙන් මිදෙන්න බැරි එකම බැම්ම අම්මගෙ ආදරේ..ඇසට කඳුලක් එක්කරන රූප රචනයකින්ද මේ ගීතය පොහොසත්.(පසු කාලීනව නිපැදවූ රූප රචනයක් විය යුතුයි)..මේ ගීතය රසවිඳපු මේ ගීයට ආදරේ කරන ගොඩාක් අය ඇති..ඉතින් ඒ අය වෙනුවෙනුත් නොබලපු කෙනෙක් ඉන්නව නම් ඒ අය වෙනුවෙනුත් තමා මේ ලිපිය ලිව්වෙ.මට විස්වාශයි ගොඩ දෙනෙක් මේ ගීතයට ආදරේ කරාවි.

Wednesday, May 25, 2011

සිහින හොරු අරං...


මං මේ කියන්නෙ නම් ඇත්තටම වුණ දෙයක්. මීට සති 2කට 3කට කලින් අපෙ කැම්පස් 1කේ. මං ඉන්නෙ කොළඹින් ගොඩක් ඈත තියෙන කැම්පස් එහෙක. දෙවන වසරේ තමයි මං ඉගෙන ගන්නෙ. කොළඹින් දුර පිහිටි නිසා ද කොහෙද මේකෙවෙන දේවල් බොහෝ අය දන්නෙ නෑ. ඒක නිසා මං වුණ පොඩි කතාවක් කියන්නම්.
කවුරුත් දන්නවනෙ, ඕනම කැම්පස් එහෙක අලුතින් එන පොඩිවුන් ටිකට ඒ කැම්පස් එකෙ අයියල අක්කලා ටික Night 1 ක් දෙනව කියලා. ඒකට කියන්නෙ Freshers Night ඉතින් ගිය පාර ආපු පොඩිවුන් ටිකව පිළිගන්න තිබුනෙ අපිට.
පොඩි එවුන් එන්න මාසයකටත් කලින් විතර තමයි අපි මේකට සූදානම් වුනේ. මොකද දැන් කාලේ හැටියට night 1 ක් දෙනවා කියන්නෙ ලේසි පහසු වැඩක් නෙමෙයිනේ.
අපි ගොඩක් අමාරුවෙන් තමයි සල්ලි හෙව්වේ. නුවර වැව වටේ රවුම් කීයක් යන්න ඇද්ද.... අනුරාධපුරේ නොගිය කඩයක් නැතුව ඇති ඇඩ්ස් හොයලා.
මේ රාත්‍රියට ආධාර පිණිස අපි නාටයකුත් පෙන්නන්න හැදුවා. ඒත් අපෙ අවාසනාවකට අපිට ඒක පෙන්නගන්න බැරිවුණා. මොකද නාටය පෙන්නන්න ඔන්න මෙන්න කියල තියල කැම්පස් එකේ ඉහල පු‍ටු කියුවා මේ නාටය පෙන්නන්න දෙන්න බෑ කියල.
අපිත් හරිම ආසාවෙන් හිටියෙ මේ නාටය බලන්න. ටිකට් ගත්ත මිනිස්සුත් ඇවිල්ලා පාරේ හිටගෙන ඉන්නවා. ඇත්තටම නාටය කණ්ඩායමත් ඇවිත් කොළඹ ඉදලා. දැන් කොහොමද මේ අයව ආපහු හරවල යවන්නේ. ඉතින් අපි හැමෝම එකතුවෙල මේ ගැන ලොකු පු‍ටුවලට කියුවා. එත් අපෙ හිත්පිත් නැති පු‍ටුවලට ළමයින්ගෙ හැගීම් තේරුනේ නෑ. එයාලා කියුවෙ ඉහලින් ආපු නියෝග කියල.
ඉතින් දැන් මොකද කරන්නේ...... අපේ සහෝදරයො කොහොම හරි මේ මිනිස්සුන්ව පිටත් කරල ඇරියා. ඒ අය හිතනව ඇති අපි නාටයක් පෙන්නනව කියල ටිකට් ගහලා ඒ අයගෙන් සල්ලි අරගත්තා කියලා. මොනව වුනත් ඒ ආපු නාටය කණඩායමට සල්ලි දෙන්නත් ඕනනේ...
මොනව වුනත් මේ වුනදේ කොහොමද ඉවසන්නේ..... අපේ සහෝදරයො වැඩේ අත ඇරියෙ නෑ. හැබැයි වඩේ ටිකක් දුරදිග ගියා. ඒ ගැනනම් මං වැඩිය කියන්න කැමති නෑ.
ඉතින් කොහොම කොහොම හරි කාලය ගෙවිලා ගියා. ඒත් අපිට දුකයි අපේ පොඩිවුන් ටිකව පිළිගන්න බැරිවුන එකට. මොනව වුනත් මේ විදියට night 1ක් දෙන එක අපේ කැම්පස් එකේ සම්ප්‍රදායක්. ඉතින් අපි ආයෙමත් කතාකරගත්තා කොහොම හරි සල්ලි හොයාගෙන මේ පොඩිවුන් ටිකට සතු‍ටුවෙන්න අවස්ථවක් ලබලදෙන්න. මොකද අපිත් ආපු මුල්ම දවස්වල අපෙ අයියල අක්කලත් මේ විදියටම night 1ක් දීලා අපිව පිළිගත්තනේ. අපි ලබපු අත්දැකීම් අපෙ පොඩිවුන් ටිකත් දෙන එක අපේ යුතුකමක්නෙ...
මේ පාරත් අපි කොහොම කොහොම හරි සල්ලි හොයාගත්තා. ඒ සල්ලි අපි වියදම්කරල ආරාධනා පත්‍ර, පින්තූරගන්න ලස්සන පසුබිම් තව ගොඩක් දේවල් අපේ අතින්ම අපි නිර්මාණයකරා. කිසිම දෙයක් එක එක තැන්වලට කියල නෙමේ, අපේ අතින්ම සෙනසුරාද ඉරිදා දිවා රෑ කියල බලන්නෙ නැතුව අපේ ශ්‍රවනාගාරය විතරක් නෙමේ එ අවට හැමතැනම සැරසුවා. කන්න බොන්නයි, සංගීත කණ්ඩායමයි විතරයි අපි පිටින් ගේන්න සැලසුම් කරල තිබුනේ............ ඒ විතරක් ද night 1ක් එකක් වුනාම ලස්සනට අදින්නත් ඕනනෙ. ඉතින් ළග ඉන්න ගැහැණු ළමයිවගේම ගොඩක් ඈත ඉන්න ළමයිනුත් ලස්සන ලස්සන සාරි , ඒවට හරියන පාට පාට ආභරණත් ගෙනැල්ල යන්න සූදානම් වෙලයි තිබුනෙ.
ඉතින් අපි ඒ හීන දැකපු දවස උදාවුනා. කට්ටියම හරිහරියට ලෑස්තිවෙනව යන්න. සාරියක් පටලවගන්නව කියන එකත් ලේසි වැඩක් නෙමෙයිනේ. මොකද අපි හැමදාම සාරි අදින මිනිස්සුයැ........... 4.30ට විතර හැමෝම ගියා. අපේ සහෝදරයො ටිකත් ෆුල් කිට මරල ඇවිත් ඉන්නව මාරම ගති. සංගීත කණ්ඩායමත් ඇවිත් සූදානම් වෙනව.
අපිටවත් හිතාගන්න බැරිවුණා මේ අපේ faculty 1 මද කියලා. මොකද ඒ තරමටම ලස්සනයි.
හරියටම කොළඹ හෝටලයක් වගේ. මේ හැමදෙයක්ම අපේ අතින්ම කරපුව නේද කියල මතක්වෙනකොට ඊට
වඩා සතු‍ටුයි.
දැන් හැමෝම රවුම් රවුම් හැදිල කතාකරනව. මේ අතර අපිට පෙනුනා පොඩි කලබලයක් වගේ.
සහෝදරවරු ඉන්නෙ හරිම කලබලෙන්. ඉතින් අපි බැලුව මොකද මේ කියල. ඔය අතරෙ අපිට ආරංචියක් ආවා
අද නෑ, හැමොම ආපහු hostel යන්න කියල. අපි කාගෙ හරි විහිලුවක් කියල වැඩිය ගනන්ගත්තෙ නෑ
එක පාරටම light off වුණා. දැන් හැමෝම යන්න. ඒතමයි අපිට ඇහුන දේ. අපිට මාරම දුකයි. ඊටත් වඩා පුදුමයි.
මේ හැමදේම දාලා එක පාරටම යන්නෙ කොහොමද... ළමයිගෙ phoneවල එළියෙන් තමයි අපි හැමෝම අයෙම
ආවෙ.
ඊට පස්සෙ වුණ දේවල් මං ඇත්තටම කියන්න කැමති නෑ. මොකද ඒ ගැන මතක්කරන්නවත් මං කැමති
නෑ. අපි හැමොම ඇඩුව. හැමෝගෙම ඇස්වල කදුළු.
අපේ ඒ හීනෙත් එළිවෙන්න ඔන්න මෙන්න තියල නැතිවෙල ගියා. සති අන්තයේ මට පන්තියක් තිබුන
නිසාත් Party කියන සංකල්පයට මං පෞදිගලිකව වැඩිය කැමති නැති නිසාත් මං ඒකට සහභාගිවුනේ නම් නෑ.
ඒත් මේ විදියට අපේ හීන බිදල දාන එක කොයිතරම් නම් සාධාරණද.........

කරලියට වැඩි අලුත්ම රජ කුමරා

කොපි කඩේ අපේ කස්ටිය එක එක මාතෘකා ගැන එක එක සීන් දැම්මනේ.අද මං පොඩ්ඩක් ට්‍රැක් එක පැන්නා.වාහන වලට ආස අයට ඔන්න මේ පෝස්ට් එක ලියන්නේ .අනිත් අයත් කියවන්න සමහර වෙලවට මේක කියෝලා කලන්තෙ එහෙම දායි.


දවස් වල නම් අපේ ලංකාවෙ මිනිස්සුන්ට බඩගින්නට කාර් කාපල්ලා කියලා කාර් වල වැට් ද මොකක්ද එක අයින් කරල තිබ්බනේ. ඉතින් ඔන්න දැන්නම් ආයි ඒකට වැඩේ සරි.ඒත් ඉතින් ඔයාලට පුලුවන් නම් ගන්න.
කාර් ලෝකයේ ඉන්න ආඩම්බරකාරය, ඒ වගේම ඩීසන් ගනංකාරයා තමා මෙයා.ගරු සරු ඇතුව කියනවනන් බෙන්ස් (BENZ)පවුලේ අලුත්ම පුත් රුවන Mercedes-Benz S-Class ගැන පොඩ්ඩක් කියන්නම්. බලන්නකො මෙයාගෙ වැඩ කිඩ.
                                                                                                              ජර්මනියේ ඉපදුන මේ කොල්ලගෙ නමේ තේරුම තමා "විශේෂ පන්තිය" කියන එක.ජර්මන් වලින් කියනවනම් "Sonderklasse". මේ හැඩකාරයගෙ තියන විසේසම ගුය වෙන්නෙ මෙයා අතිසයින්ම පරිසර හිතකාමි රථයක් වීමයි.තේරෙන්න කියනවනම් මේක Eco Friendly වාහනයක්.URO 5 කියන සුවිශේශි තාක්ශණයට නිපදවල තියන මේ කාර් රාජයගෙ පහසුකම් දිහා බැලුවම මේකෙ මොනවද නැත්තෙ කියලා හිතෙන තරම්.ABS බ්‍රේක් පද්ධතිය ,ඉදිරිපස හා පිටුපස වා බැලූන 16 ක් ,අධි ප්‍රබල හැලජන් ලාම්පු,ඝර්ශනය අවම කරවන anti fiction system,රිය පදවන ගමන් රයේ සියලුම කොටස් පාලනය කල හැකි tip tronic system,leather seats with intelligent temp controllers,surround sounds වගේ එකි නොකී මෙකී හැම දෙයක්ම මේකෙ තියනව .




වැට් බද්දෙ ගැස් බැහැපු කාලෙ මෙයාගෙ ගාන මිලියන 35-40ක් විතර උනා.එත් දැන් වැට් වලට පින් සිද්ධ වෙන්න මෙයා මිලියන 55 ක් විතර වෙනවා. ලංකාවෙ ගෙන්වා බෙදාහරින්නේ කොළඹ12 ජේතවන මාවතේ පිහිටි ඩිමෝ ආයතනය විසින්.ඉතින් ඔයාලත් ට්‍රයි කරල බලන්න මෙයාගෙ ගාම්හීර අයිතිකාරයෙක් වෙන්න.

Tuesday, May 24, 2011

ඇස් පනාපිට කෙල්ලෙක් කාඩ් එක කා ගත්තා ය.

කෙල්ලො...හැමදාම ඇහෙන කියවෙන වචනයක්....කෙල්ලොත් හරියට වීදුරු වගේ ලු...ඉක්මනට බිඳෙන සුළුයි....
හ්ම්ම්...ඒක ඇත්ත..ඒ මේ සංස්කෘතිය එක්ක තව තවත් පිම්බිච්ච,සමාජෙ මුල් බැහැගත්ත කතාවක්...
ලංකාවෙ සංස්කෘතියත් එක්ක කෙල්ලෙක්ගෙ, එහෙමත් නැත්නම් ගැණියෙක්ගෙ චරිතය ගොඩාක්ම සොයනව.ඒ හේතුවෙන්ම ඒ කාන්තාවට තමාගේ චරිතය රැකගන්න වෙන එක කියන්න ඕනෙ නැ නේ.
වහින් ඔරෝ නැතුව සිද්ධිය කියන්නම්...
මේක වුනේ අද.මම බස් එකේ එද්දි....අපේ වයසෙම කෙල්ලෙක්..තව යාලුවො එක්ක.ඒ කෙල්ල මම දන්න තරමින් මීටරයක්.චරිතෙත් දන්න තරමින් හොඳයි.කොල්ලෙක් එහෙම ඉන්න බවක් දන්නෙ නැ.
අපේ වයසෙම කොල්ලෙක් ටික වෙලාවකින් ගිහින් ඒ කෙල්ල එක්ක කතා කර කර හිටිය.කෙල්ලත් හිනා වෙවී හිටිය.මොනව කිව්වද කියන්න මම දන්නෙ නැ.කොල්ල ටික දුරකින් බැහැල ගියා.ඊට පස්සෙ බස් එකේ පිටිපස්සෙ කතා වෙච්ච ටික තමා මට මේක ලියන්න හේතු සාධකේ උනේ.
පිටිපස්සෙ කතා උනේ
"අඩේ බං බලපංකෝ බඩුව වගේ.බලහන් හිටපු හැටි.නිකං දාගෙන වගේ නේ" 
වගේ කතා ටිකක්...
ඉතින් ඒ සිද්ධිය නිසා ඒ කෙල්ලගේ චරිතෙට පොඩි හරි මඩක් ගැවුනා කියල මට හිතුන.මොකද කෙල්ලොන්ගෙ චරිතෙ මේ ලංකාව වගේ පරිසරයක් එක්ක ගොඩාක් සොයන බලන නිසා.ඒ වගේම කොල්ලොන්ගෙ චරිතෙ සොයන්නෙ නැති එක ගැනත් එක්ක බැලුවහම අන්තිමට කොල්ලො කරන ඕන වැඩකට විඳවන්න වෙන්නෙ කෙල්ලොන්ට කියලත් හිතෙනව.
මේ වගේ වැඩවලට ඇඟිල්ල දික් කරන්න ඕන කාටද කියන්න මම දන්නෙ නැ.අර කොල්ලටද?කෙල්ලට ද?නැත්නම් අර කතාව කියපු අයට ද?එහෙමත් නැත්නම් සමාජයටම ද?සංස්කෘතියට ද?
හැබැයි මම දකින විදියට කෙල්ලො කොල්ලො කතා කරන්න ඕනෙ.ආශ්‍රය කරන්න ඕනේ.ඒ උනාට සම්බන්ධතා හෝ සාමාන්‍ය ආශ්‍රය කිරීම් නිසා කොච්චර කෙල්ලො [වගේම කොල්ලොත්]චාටර් වෙලා ඇද්ද?කෙල්ලො කී දෙනෙක්ගෙ ජීවිත නැති වෙලා ඇද්ද?
ඒ වගේම කොල්ලෙක් එක්ක කතා කර කර ගියා කියල කෙල්ලො කීදෙනෙක්ට ගෙදරින් සැලකිලි හම්බෙලා ඇත්ද? 
කොල්ලෙක් කෙල්ලෙක් එහෙමත් නැත්නම් කෙල්ලෙක් කොල්ලෙක් ආශ්‍රය කරන එක ඇයි මෙච්චර වැරදි?කොල්ලොන්ට ඉන්න ඕනෙ යාලුවොත් කොල්ලොම විතරද?කෙල්ලොන්ට ඉන්න ඕනෙ යාලුවො කෙල්ලොම විතරද?අපේ සමාජෙට අනුවනම් එහෙමයි.
ඒ කියන්නෙ මගුල් පෝරුවට නගින්නත් ඕනෙ තමන්ගෙ වර්ගෙ එකෙක් එක්කද?අනේ මන්ද...
පිරිමි කරන කැත වැඩ නිසාත් ඒ වගේම ගැණු කී දෙනෙක් අසරණ වෙලා ඇත්ද?අන්තිමට ඇඟිල්ල දික් වෙන්නෙත් ඒ ගැණිටම නේද?
හැබැයි මේ තත්ව වලින් එක හොඳක් තියෙනව කියලත් හිතෙනව.මොකද කිව්වොත් මම දන්න තරමින් ඇමෙරිකාවෙ එහෙම සංස්කෘතිය ඉතාම පහළට වැටිල.ඒ අතින් අපේ රටවල් හොඳයි.ඒ වගේ රටවල් වල සංස්කෘතිය බලු උනාට අපේ රටවල් වල එහෙම නැහැ තවමත්....
අනිත් පැත්තෙන් සංස්කෘතිය හෝ සමාජය නිසා මේ වගේ ප්‍රශ්න කොච්චර ඇති වෙලා ඇත්ද?කෙනෙක්ට තමාගේ විරුද්ධ ලිංගිකයන්ව ආශය[මිතුරන් ලෙස] කරන්න බැරි වීම නිසා හැඟීම් මත කොල්ලො කෙල්ලො කී දෙනෙක් ඒ හැඟීම් කොයි කොයි විදියට ඉශ්ට කරගන්න ඇත්ද?
පටන් ගත්තෙ කොහෙන්ද?අන්තිමට දැන් කොහෙද?ම්ම්ම් දැන් ඇති වගේ...අන්තිමට එක ඉල්ලීමක් කරන්නම්.විශේෂෙන්ම කෙල්ලොංගෙන්.තමන්ගෙ චරිතෙ ගැන හොඩක් හිතන්න.මේ සමාජය ඔයාලගේ පොඩි වැරැද්දත් ලොකු කරගෙන,ඔයාලට හිනාවෙන්න බලාගෙන ඉන්නවා.ඒක එහෙම වෙච්ච එකට මමවත්,ඔයාලවත් වැරදි නැහැ.ඒ වුනත් කොල්ලොන්ට වගේ නෙවේ.[කෙල්ලොන්ට සාපේක්ශව කොල්ලො]කොලන්ගෙ චරිතෙ කෙනෙක් හොයන්නෙම නැති ගානයි කෙල්ලෙක්ගෙ හොයනව වගේ.....කොහොම උනත් ඔයාලගේ චරිතෙ ඔයාල රැකගන්න.විශේශෙන්ම ඔයාල ඇඳුම් අඳිද්දි උනත් ඇඟ පසඟ පේන්න අඳින්නෙ නැතුව සංවරව අඳිනවනම්.අර ඇඳල මැහුවද,මහල ඇඳද වගේ කලිසම් නැතුව කලිසමේ විදියට කලිසම අඳිනවනම් ඔයලට අර "බඩුව" කියන පහත් වචනෙන් ඇමතෙන එක අඩු වේවි.පොඩි දේ ගැනත් හිතන්න.නැත්නම් මේ සමාජය ඔයාලට මොන මොන කතා හදයිද කියන එක කවුරුවත් දන්නේ නැහැ.ඔයාලත් අසරන වෙනකම් දැනෙන එකක් නැහැ....
කොල්ලොන්ටත්,තමං දකින දකින කෙල්ලව "ඇඟ ආතල්-මූණ කචල්"කෝනෙන් බලන්නෙ නැතුව සහෝදරියක් කියන කෝනෙං බලන්න.එතකොට බොහෝදුරට මේ ප්‍රශ්නෙ මග ඇරෙයි....

Monday, May 23, 2011

අපූරු පාඩමක්....

ඔන්න ඉතින් කාලෙකට පස්සෙ මොකක් හරි ලියන්න ඕනෙ කියල හිතුනා. ඒත් අන්තිමට හිත හිතා හිටියා විතරයි, ලියන්න අයිඩියා එකක් එන්නෙම නෑ.අන්තිමට වැඩේ අතාරින්න කියල හදනකොටම අපේ කැලෑසියක ගුරෙක් අපිට කියල දුන්න කතාවක් මතක් උනා.මේකෙ සත්‍ය අසත්‍ය තාවෙ නම් මං දන්නෑ. බට් ඉතින් මට තියන ලොකුම ලොකු ටිකිරි මොලේට ගෝචර වෙන විදියට නම් මේකත් ඇත්ත තමා.....
මම මේ දවස් වල අනං මනං කියවනව වැඩීලු, එ නිසා ඔය පොඩ්ඩක් ඕනෙ නැති මගුල් කියෙව්වට ගනං ගන්න එපා හොදේ. තාම ඉතින් සූටි කොල්ලනෙ.

ඔන්න එහෙනම් දැන් මගුල් කියවන එක නවත්තලා කතාව කියන්න යන්නේ කිව්වට මොකෝ, මේකත් එක විදියක මගුලක් ගැන කතාවක් ම තමා.ඔන්න එහෙනම් ස්ප්‍රයිට් එකක් බීල, අනං මනං නැතුව කෙලින්ම කතාවට බැස්සා.
ඔන්න ඉතින් එකෝමත් එක දවසක මං වගේ හරිම අහිංසක, පෙම් පාට ,සූටි ළමයෙක් එයාගෙ ටීචර් ගෙන් අහනවලු 
"ටීචර් මොකක්ද ආදරය කියන්නෙ?" කියලා.දැන් දීපන්කො උත්තර? ටීචර්ට කට උත්තර නෑලු. මොකක් උනත් මේ ගුරා ටිකක් මොලේ තියන පොරක්. ඉතින් පොර දෙන්නං ජම්බු කියල, ගත් කටටම කිව්වලු 
"ඕකට ඔයාට උත්තරයක් ඕනේ නම් යන්න ඉරිගු හේනකට, ගිහින් ලොකුම ඉරිගු කරල අරන් එන්න."
කියල. එත් එක්කම පොඩි කොන්දේසියකුත් දැම්මා,
"ඔයාට හේන හරහා යන්න පුලුවං එක පාරයි ලොකු කරල ගන්න ආපහු හැරෙන්න බෑ."
[බලපු ගමන් අමු ගොන් පාර්ට් එකක් කියල පෙනව එත් පොඩ්ඩක් කියවගෙන යනවල්ලකො..]
කොල්ලත් බැලුවලු මේවත් වැඩද? කියල. ඌත් කිසි ගින්නක් නැතුව පපුව ඉස්සරහට දාගෙන එන්ටර් උනා වැඩේට, ඉරිඟු හේනට ගිය කොල්ලා දැක්කලු එක යායට වැවිලා තියන ඉරිඟු ගස් කරල් බරවෙලා. මූ දැන් ඩිංග ඩිංග ඉස්සරහට යනකොට යකොට දැක්කා තඩි කරලක්, [මං මුලින්ම ඔයාලට කිව්වනේ මූ මං වගේ පොරක් කියල] ඉතින් එක ඌට ඒක මදි, "ඉස්සරහ තව එව්ව ඇති කියල" හිතලා ගියා ඉස්සරහට. තව කරල් හම්බුනාට මූට එවත් මදි. ඔහොම යනකොට දැන් ලොකු ලොකු කරල් ඉවර වේගෙන යනවලු. කොල්ලට දැන් පට්ට අස්පට්, මූ ඉල්ලගෙනම කෑවනෙ. දැන් ආයිත් හැරෙන්නත් බෑ නෙ. අන්තිමට කොල්ලා කරන්න දෙයක් නැතුව ගෙම්බා වගේ ආවා ගුරා ගාවට. ඇවිත් නොන්ඩි නැතුව සීන් එකත් කිව්වා.ඔන්න එතකොට ගුරා කියනවා,
''ඔන්න ආදරෙත් ඔය වගේ තමා,අපි ආදරෙදිත් හැම වෙලේම හොදම දේ හොයනවා. ඒත් අපි හොයපු නියම කෙනා මගහැරුනා".
කියල.
" තේරෙනකොට අපි පරක්කු වැඩී".
ඔන්න ඔහොම තමා ඒ ගුරා ආදරෙ අර්ථ දක්වල තියෙන්නෙ.දැන අර පොඩි එකා නෝන්ඩිය වහගන්නත් එක්ක මෙහෙම අහනවා
"එතකොට විවාහය කියන්නෙ මොකක්ද?"
කියලා.
එතකොට මාස්ටරයා මූ එක පාරකුත් ඉල්ලන් කෑවා, අයිත් ඕනෙ වෙලා කියල කියනව 
"ඉස්සල්ලා වගේම හේනට ගිහින් ලොකුම කරල අරන් එන්න කොන්දේසි අරවම තමා".
දැන් කොල්ලට ෆුල් හැපී 
"දැන් නම් ගේමක් නැනෙ" 
කියල යනව, ගිහින් අතට අහු උන පලවෙනි තඩි කරල උස්සගෙන දුවගෙන එනව ඇවිත් ගුරාට පූජා කරනවා.
ගුරත් ඉතින් කොල්ලට 2න්ඩ් වෙන්න බැරි නිසා මෙන්න මෙහෙම කියනවා
"ඔන්න ඔය වගෙ තමා විවාහයත්,මෙ කරල අරන් එනවාමයි කියලා ඔයාට ලොකු අධිශ්ඨානයක් තිබ්බා. වෙන කොච්චර සිරා කරල් තිබ්බත් මෙක ඔයාට හම්බුන හොදම දේ කියල විශ්වාස කරල ඔය මේ කරල අරන් ආවා. විවාහයත් ඔන්න ඔය වගේ තමා. කොච්චර දේවල් තිබ්බත් තමං ලබා ගත්ත කෙනා හොදම කෙනා කියලා එයත් එක්ක සතුටින් ඉන්න එක තමා."
මේක කෙතරම් දුරට සත්‍ය ද කියලා නම් මට තේරෙන්නෙ නෑ.එත් ඉතින් බලගෙන ගියාම කතාව ඇත්ත නේද??????


සැ.යු- මෙව්ව කියෙව්වට කමක් නෑ. ඔයාලගෙ ගුරාලගෙන් එහෙම අහනව නෙමේ ඕං. අන්තිමට ක අත ගගා එන්න වෙයි ගෙදර....

අලුත් කෝපි කඩේ

සයිබර් ගමේ හැමෝටම කෝපි කෝප්පයක් බොන්න දාපු කෝපි කඩේ ඔන්න අලුත් කලා.අලුතෙන් කෝපි හදන්නත් කට්ටිය ගත්තා..ඉස්සෙල්ල http://kgdilanka.blogspot.com යන ඇඩ්‍රස් එකෙන් තිබිච්ච කෝපි කඩේට අලුතෙන් ඩොමේන් එකක් අරගෙන අලුතෙන් මූණක් එහෙම දාල ඔන්න හොඳ තත්වෙකට ගත්තා.
මේ වැඩේට උදව් කරන අයටත් තැන්කිව් පාරක් දාන්න ඕනනේ...මුලින්ම ඩොමේන් එක ගන්න තැනේ ඉඳන් බ්ලොග් එකට සෙට් කරනකම්ම සපෝර්ට් එක දීපු,මගේම අයිය කෙනෙක් වගේ ඉන්න පසිඳු අයියා.ඒ වගේම ඔය උඩ තියෙන දුම් දමන්නා වූ කෝපි කෝප්පේ හදන්න සප් එක දීපු,පසිඳු අයියා නිසා අඳුර ගනිපු,මම ෆිට් එකට "ගෙම්බ" කියල කතා කරන චතුර අයියාවත් මතක් කරන්න ඕනේ...


ඒ වගේම මාත් එක්ක කෝපි කඩේ කෝපි හදන ගජං,සුවඳා,කඩේ හාමිනේ වගේම නෙත්පානි අක්කවත් මතක් කරන්න ඕනනේ...
එහෙනම් මේ පෝස්ට් එක අදට ඇති.ආ තව එකක්...ඔයාලා මගේ බ්ලොග් එක බුක් මාර්ක් කරගෙන එහෙම ඉන්නවනම් අලුත් ඩොමේන් එකට අලුතෙන් බුක් මාර්ක් කරගන්න..පරණ එකෙන් ආවත් අලුත් එකට එනවා නම් තමා...

Saturday, May 21, 2011

කෝපි කඩේ පිළිබද පුංචි අදහසක්...

මේ සිතුවිල්ල දාන මං කෝපි කඩේට අලුත් සාමාජිකයෙක්.ඇත්තටම කෝපි කඩේට විතරක් නෙමෙයි. මේ blog මාතෘකාවටත් මං අලුත්. මගේ මුල්ම ලිවීම පටන්ගත්තෙ හරියටම මේ සදුදා. එ කියන්නෙ 2011/05/16. එ මගෙ "පුංචි පුංචි සිතුවිලි" හරහා.

ඉතිං මේ කෝපි කඩේට තේකක් හදලදෙන්න කියල කුරුං ගුරුං මල්ලි මගෙන් ඊයෙ ඇහුවා. පොඩි චකිතයක් හිතේ තිබුනත් මාත් හා කියුවා. ඉතිං උදේ පාන්දරම මාත් පුංචි ලිපියක් දාන්නම්. මේ කෝපි කඩේ ගැන මට හිතුන් දේ. වැරදි අඩුපාඩු එහෙම තියෙනවනම් පෙන්වල දෙන එක ඔයගොල්ලන්නට බාරයි.

Assignment වලින්
Practical වලින්
Exam වලින්
හෙම්බත් වූ අපේ ජිවිතවලට
පුංචි හෝ සිසිලසක් එක්කර ගැනීමට
කෝපි කඩෙන් කෝපි කෝප්පයක් බොන්න
යන එන අය බොහෝ ය.
කෝපි වැඩි වුනත්
සීනි මදි වුනත්
විහිළුවෙන් තහලුවෙන් එය බෙදාගන්නේ
නොහදුනනා හදුනනා මිතුරන් සමග
ජීවිතයේ දුක සැප මිහිරි අමිහිරි
අත්දැකීම් බෙදාහදාගන්නේ
කිසිම මුදලකට මිලදීගන්න බැරි
ජීවිතයට රන් මෙන් වටින
සිතේ කොනක ඇතිවන පුංචි සතුටක් සදහා නේද.......

අර අයියගෙ මේ මල්ලිගෙ
ආදර කතා
කුණුහරුප කතා
දේශපාලන කතා
දහසක් වැඩ තියෙන අපිට
අදාල නැති වුනත්
ඒවා බෙදාහදාගෙන කියවා රසවිද
මුවගට සිනහවක් ද කැන්දා
Like එකක් Comment එකක් දාන්නේ
ඇත්තටම මේ සැමගේ අත්දැකීම්
අපේ ජිවිතේටත් යම් දුරකට හෝ
එකතුකරගන්න පුළුවන් නිසා නේද......

හිතේ කොනක හිරකරන් ඉන්න
දුක සතුට ආදරය විරහව
අනිත් අයත් සමග බෙදාගැනීමෙන්
ඇතිවන හැගීම පුංචිම වුනත්
ඒ සිතුවිල්ල අපිට හරිම වටිනව නේද....

ම්ම්ම්.....ඔන්න මට හිතුන දේ. මං දන්නෑ කොයිතරම් දුරට මං හරිද වැරදි ද කියන්න.

ආ... මට අමතකවුනානේ. මට ස්තුති කරන්න තව එක්කෙනෙක් ඉන්නව. එ තමා ගජං මල්ලී. එ මල්ලී තම මට මේ ගැන විස්තර කියුවෙ. මට අලුත් මාවතක් පෙන්වාදිම ගැන මං මල්ලිට ස්තුතිකරනවා.









Thursday, May 19, 2011

මිතුරේ.....




මා ඔබව සැබහින් දැක නැත....
ඔබ සමග කතා කර නැත...
නමුත් මම
ඔබේ මිනිසත් කම අගය කල යුතුය....

"ඉලංදාරියා" නමින් බ්ලොග් ලියූ ඔබ...
මේ බ්ලොග් අවකාශයේ සැබැම මිනිසෙකි...
කිසිදා අමතක කල නොහැකි චරිතයකි....
අමරනීය වර්චුවල් මිතුරෙකි.....



දිලුම් අයියේ,කෙනෙක් නැතු වූ පසු ඔහුගෙන් ඇති වූ හිඩස දැඩිව දැනෙන්නා සේ.....ඔබෙන් ඇතිවූ හිඩස ද එසේම ය...මා ඔබ හඳුනන්නේ නැති වුවද,කතා බස් කලේ නැති වුවද,අඩුම තරමේ එසේ වුනි නම් කියා දැන් සිතේ...
නමුත් දැන් එය සිතිවිල්ලක්ම පමණි.
ඔබ අප සියලු දෙනා ම හැරදමා ගොස් ඇත...
මට ඔබට කියන්නට කිසි දෙයක් නැත...ඔබේ විපත ගැන මුලු හදින්ම කම්පා වෙමි.
මම ඔබට නිවන් සුව පතමි......

කෝපි කඩේ සහ බ්ලොග් ලියන සියලුම අය වෙනුවෙන් ඔබට ප්‍රාර්ථනා කරමි...
දිලුම් අයියේ ඔබට නිවන් සුව!!!

Wednesday, May 18, 2011

කොම්පීටරේද ඇස් දෙකද

කොම්පීටරය දන්න බාසාවෙන් කියනවනන් computer එක අද අපේ දන්න කියන හැමෝම යූස් කරන ගැජමැටික් එකක් වෙලා කියන එක ඔයාල හැමෝම දන්නවනේ. මං ඉතින් අමුතුවෙන් කියන්න දෙයක් නෑනෙ ඒක. ඉතින් මෙන්න මේ ගැජට් එක වැරදියට, සිංහලෙන් කියනවනම් සදොස් භාවිතය නිසා අපිට වැටෙන අමු ලෙඩක් ගැන තමා අද කියන්න යන්නෙ.මේ ලෙඩේට කියන්නෙ පරිගණක දෘශ‍ය සහලක්ශණය, තේරෙන්න කියනවනම් (computer vision syndrome)කියලා.
ලෙඩේ ගැන සම්පූරණ කතාවම ලියන්න කියල තමා හිටියෙ බට් කම්මැලී වගේ. ඉතින් ඔන්න කතාව දැම්මා පල්ලෙහයින් රූප උඩ කොටලම කියවන්නකො.අනිව කියවන්න.සැහෙන්න වටින කතාවක්.



                                
කියෙව්වම තේරුනානෙ සීන් එක?ආහ් ඔයාලා ලණු පනිනවා දැකලා තියනවනෙ? මං කිව්වෙ ස්කිපින් පනිනව? කතාව කියවල ඉවර වෙලා මේකත් බලාගෙනම යන්නකො.

http://youtu.be/zoMYU_nOGNg

ඉතින් එහෙනන් කස්ටියම ඇස් පරිස්සන් කරගන්න හොදේ.

Friday, May 13, 2011

ශ්‍රී ලංකාව-ධර්මද්වීපය-කෙහෙල්මල




අද පෝස්ට් එක දාන්නේ ඉතාම කණගාටුවෙන්.සමහරවිට මේ ලිපියට ගොඩක් අයගේ හිත් රිදේවි.නමුත් මම මේ ලියන්නේ මම දකින,අත්දැකපු ඇත්ත.මේක එහෙම්පිටින්ම විවේචනයක් වෙන්න තියෙන ඉඩ වැඩියි...
අපේ රටේ ගොඩක් සිංහලයනේ මහ ජාතිය.ඒකෙනුත් සිංහල බෞද් අය.මමත් ඒ කොට්ඨාසෙට අයත් එකෙක්.මේ ගොඩක් එවුන් ඇත්තටම හිතන් ඉන්නේ අපේ එවුන් බහුතරේ උනාම පොරවල් කියලා.මුන්ට ඇයි තේරෙන්නෙ නැත්තේ අපේ රටේ මත් වතුර,හරක් මස් වගේ මහා පව්කාර වැඩ වෙනව ඒව නවත්වන්නෙ නැතුව මහ ලොකුවට ගේ ඉස්සරහ බෞද්ධ කොඩියක් එල්ලල,බලුබ් වැලක් දැම්මට මේක බෞද්ධ රටක් වෙන්නෙ නැ කියන එක?
ඊයේ ගාල්ලේ ටවුමේ බුදු හාමුදුරුවන්ගේ පින්තූර විකුණන්න තිබ්බේ කොහොමද කියලා කියන්න ඕන වෙන එකක් නැහැ.පේමන්ට් එකේ දාල විකුණන්න තිබ්බේ.අඩුම ගානේ මේව කරන එවුන් ලබන ආත්ම වල මොනව වෙයිද?මුන්ගේ අම්මලගේ තාත්තලගේ පින්තූර බිම තියන්නේ නැති එකේ බුදු රූප බිම තියාගෙන විකුණල උන්ගේ පොඩි එවුන්ට කන්න දෙන ඒව වැඩක් වෙයිද?
කොටින්ම දැන් වෙනකොට බුද්ධාගම මාකට් කරනවනේ.ඒක තමයි වෙලා තියෙන්නේ.මේක බෞද්ධ...මේක බෞද්ධ කියල බුදු දහම ගාව ගනිපු මොකක් හරි එකක් අරගෙන ඇවිල්ල විකුණයි.
ඇයි වෙසක් කාඩ්.ඒවත් එහෙමනේ.වෙසක් එකට දෙන කාඩ් එකේ තියෙන්නේ රෝස මලක්.කැල්ලට දෙන්න.නැතුව බෞද්ධ සිතුවිල්ලක්වත්,බුදු පිළිමයක්වත් නෙවේ.
ඊයේ පෙරේද මාරයියා පෝස්ට් එකක ලිව්ව වගේ කූඩුවක් හැදුව.බෝඩ් ගැහුව.වටේටම වැහෙන්න ටෙන්ට් එකක් ගැහුව.
"එන්න එන්න බලන්න...ලංකාවේ ලස්සනම කූඩු රාජයා...ලොකු අයට 50 යි...පොඩි අයට 25 යි.."
ඔන්න ඔහොමනේ අපේ ලංකාවේ එවුං බුදු දහම මාකට් කරන්නේ...ඒ අතින් බැලුවහම නිර්මල බුදු දහම ට අපේ සුලුතර කාලකණ්නි ටිකක් කරන නිග්‍රහය දැක්කහම මේ රටේ මොකට ඉපදුනාද කියලත් නොහෙතෙනවාම නෙවේ.
එක අතකින් සුලුතරයක් වුනත් මුස්ලිම් අයගේ වැඩපිළිවෙලේ හොඳ කියන්න ඕනේ.ඒ මිනිස්සු සිකුරාදට පල්ලි යනවා.සතියේ දවසක වෙලත්.තමන්ගේ කඩවල් වහල ආගමික කටයුතු කරන්න යනකොට අපේ මහ එවුන්ගේ පඩත්තල කමට පෝය දවස නිවාඩු දවසක් වෙලත් පන්සල පැත්තේ යන්නෙ නැහැ.පොඩි එකාට යකෝ මේක තොගේ ආගම.මෙහෙමයි වඳින්නේ.මේවයි ගාථා කියල කියල දෙන්නේ නැ.ඒ වෙනුවට A,B,C,D..... ඔන්න අද රටේ තත්වේ...
තවත් අයට වෙසක් එකම ඕනේ.කූඩු හදල විකුනන්න.බොහෝවිට ම කොළඹ...රු 250 යි 300යි...තමන්ගේ පොඩි එකාට කූඩුවක් හදන හැටිවත් කියල දෙන්න අපේ සුලුතර මහ එවුන් ටිකක් කටයුතු කරන්නේ නම් නැ.හැබැයි මහලොකු බෞද්ධ.


 ඊයේ මහදි එනකොට ඇහෙනව "%%%% රෙකෝඩ්බාර් ඉදිරිපත් කරන ගව ඝාතනය කැසට් පටයටයි ඔබ මේ සවන් දෙන්නේ..."ඒ කියන්නේ දැන් ඒකත් මාකට් කරනව මිසක් මේ පව්කාර වැඩ වලින් බේරගන්න වැඩක් කරන්නේ නැහැ...
 මාරයියා කිව්වත් වගේ
"පෝයදාට මස් මාළු නැති හෙයින් පෙරදින සවසම හැකිනම් මස් මාළු ටික ගෙනවිත් ශීතකරණයේ තැන්පත් කර ගනිති. බෝතල් පිළීබඳව කතාවද එසේමය..."
ඔන්න ඔහොම වෙසක් එකටත් අපේ යක්කු සෙට් වෙන්න තියෙන කාලේ සමරමු වෙසක්!

ශ්‍රී ලාංකීය සිනමාවේ අද්විතීය කල එලි බැස්ම


කාලය ටිකෙන් ටික ගෙවිලා ගිහින් 2600 වෙනි සම්බුද්ධ ජයන්තියත් ලං වෙල තියෙන්නෙ,ඉතින් මෙ අතිශය වැදගත් වු අවස්ථාවෙදි ශ්‍රීලාංකිකයෙකු ලෙස සතුටුවිය හැකි දෙයක් ගැන කියන්න ඕනෙ කියල හිතුනා.මම එ වගේම මේ ලිපිය කියවන හැමෝම දන්න දෙයක් තමා අපේ රට එහෙම නැත්නම් ලංකාව මහ පුදුමාකාර රටක් කියලා. මං එහෙම කිව්වෙ මොකද, ලංකාව වගෙ රත්තරන් රටක ජීවත් වෙන අපේ බොහෝ දෙනා හිතන, ඒ වගේම කරණ,හරි ලොකු වීරකමක් තමා බටහිරකරණයත් සමග ඇතිවන්නා වු බටහිර සංස්කෘතිය තම ජීවිත වලට උවමනාවට. වඩා ඈදා ගැනීම.මගේ මෙ පුංචි මොලේට ගෝචර උනා මේ කාරණය සමහරු පිලිගන්නෙ නැති වෙන්න පුලුවන්, ඒත් අවුරුදු ගානක් මහන්සි වෙලා ගොඩනගා ගත්ත සංකල්ප බොරුය කියල මට විසිකරන්නත් බැහැ.(ටොපික් එක වෙන අතකට හැරෙන බව තේරුන නිස මං මගේ මාතෘකාවත එන්නම්.)එදා ප්‍රංශයෙන් ගෙන්නපු කැමරාවත්, එංගලන්තයේ සහ ඇමරිකාවේ සුපිරි තාක්ශණය ශ්‍රී ලාංකීය සිනමාවට පට්ට පිකප් එකක් අරන් දුන්නා. නමුත් අවාසනාව උනේ ලාංකීය සමහර සිනමාකරුවන් (80% ලාංකික සිනමා කරුවන් අති විශිශ්ටයි .එක මං හදවතින්ම පිලිගනිමි.)යුරෝපීය තාක්ශණය සමග යුරෝපීය සංස්කෘතියත් සිංහල සමාජය සමග සංඝට්ටනය කරමින් සිනමා නිර්මාන බිහි කිරීමයි.
                                     
 ඒ දේවල් ඒ විදිහට වෙනකොට ශ්‍රී ලාංකීය සංස්කෘතිය ඉතිහාසය මෙන්ම ඉහත කී සුපිරි තාක්ශණයෙහි අද්විතීය නිර්මානය මේ වෙනකොට නිමා වී අවසානයි.2600 වෙනි සම්බුද්ධ ජයන්තිය වෙනුවෙන් කල එලි බසින මෙ අපූරු සිනමා නිර්මානය ශ්‍රි ලාංකීය ප්‍රෞඩ ඉතිහාසයේ වැදගත්ම සිදුවීමක් පාදක කරගෙන ගොඩනගා තිබෙනවා.ඒ අන් කිසිවක් නොව ඔබ මා අප සියලු දෙනා දන්නා "මහින්දාගමනයයි" 






හින්දාගමනය ලෙසම නම් තබා ඇති විශිශ්ට සිනමාකරු සනත් අබේසේකරයන් ගේ දැවැන්ත නිර්මානයක් වන, ආදරය, කරුණාව,දයාව පලිගැනීම ආදී වූ එකිනෙක සංඝට්ටනය වන හැගීම් රැසක දැවැන්ත එකතුවක් වන මේ සිනමා නිර්මානය මැයි 18 වනදා සිට දිවයින පුරා තිරගත වීමට නියමිතයි.උදාර ඉතිහාසයකට උරුමකම් කියන ලාංකිකයන් තුල තම දේශාභිමානය ඔප් නංවා ලීමේ පිවිතුරු චේතනවෙන් නිර්මානය කර ඇති මේ සිනමා නිර්මානය මේ ලිපිය කියවන ඔයාල ඔක්කොම කොහොමහරි බලන්න. බටහිරකරනයෙන් මිදී ශ්‍රී ලාංකිකයන් ලෙස එකට අත්වල් බැදගමු කියල හමෝගෙන්ම අහිංසක ඉල්ලීමක් කරල මං අදට මෙ පොස්ට් එක නවත්තනව. අහ් කියන්න බැරිඋනා මේ ගැන මට ලියන්න හිතුනෙ ඊයේ රාත්තිරියෙ එක රූපවාහිනී වැඩසටහනක මේ ගැන කියපු නිසායි.

    ඉතින් මෙන්න මෙ ලින්ක් එක ෆලෝ කරලා මූවි ට්‍රෙලර් එක බලන්න. සිරා කියන්නෙ උපරිමයි.



මේකත් ෆලෝ කරන්න තව විස්තර බලාගත හැකියි.

Monday, May 9, 2011

අලුත් එකාගේ ගම කැම...




කට්ටියට කියන්න අමතක උනාට මොකෝ ඊයෙ පෙරේද ඉඳන් මාත් එක්ක කෝපි කඩේ ලියන්න තව එකෙක් සැට් උනානේ.පොර ගැන කිව්වොත් ඉතින් කොළඹ බුවෙක්.2013 උසස් පෙල.බ්ලොග් එක ලියන අනිත් එකා ගාල්ලේ එකෙක්.අයියා කෙනෙක්..අනිත් එකා මම...කොහොම උනත් මම මේ හදන්නේ ඕකුන් දෙන්නගේ ගම ගන්න..ඒ කියන්නේ පට්ටම් නෝන්ඩි දෙන්න කියලා...අද මඩවන්නේ අලුත්ම එකා...
මේකයි සීන් එක..පොරමයි මාත් එක්ක කිව්වේ.....පොරගේ නම පසිඳු කාරියවසම් කියල හිතන්නකෝ....[ඕක ඇත්ත නම නෙවේ.] ඉතින් කොහොම හරි මුගේ ආදරණීය,අති(ප.)ජාත යාලුවෝ ටික මූව අමතන්නේ නමේ කැලි දෙකේ මුල් අකුරු දෙක කියලලු..හික්z.පව් අප්පා..ලාවට මැඩෙව්වහම ඇති නේ..මීළඟට මඩවන එකා ගැන ලඟදිම කියන්නම්...

ප.ලි-මම බ්ලොග් එක ලියන්න තව දෙන්නෙක් එකතු කරගන්න හිතාගෙන ඉන්නවා.ඒ කියන්නේ ඔක්කොම ලියන ටීම් එක 5 ක් වෙනකම් වැඩි කරන්න.අපේ අනිත් ඇඩ්මින් එක්කත් කතා කරලා දෙන්නම තීරනේ කලේ මේ අවස්ථා දෙක ස්ත්‍රී පාර්සවේ විස්වාසවන්ත දෙන්නෙකුට දෙන්න.කැමති අය ඉන්නවනම් කියන්න.පහල කොන්දේසි යටතේ මේකේ ලියන්න පුලුවන්.

1.කෝපි කඩේ ට අදාල නමක් භාවිතා කල යුතුයි.
2.අසභ්‍ය වචන භාවිතා නොකල යුතුයි.
3.දේශපාලනය පිළිබඳව විවේචන හෝ ඒ සම්බන්ධ දේවල් නො ලිවිය යුතුයි.
4.විස්වාසේ රැකගෙන ටීම් වර්ක් එකක් විදියට ලියන්න සෙට් වෙන්න ඕනේ...

යමුද යාපනේ

මේ දවස් වල ගෙවල් වලට වෙලා කරන්න වැඩක් නැතුව උඩ බලාගෙන ඉන්න අයටයි නිවාඩු පාඩුවෙ කොහෙහරි යන්න ඉන්න අයටයි මෙකී නොකී හැමෝටමයි යන්න කියාපු පට්ටම ප්ලේස් එක තමා ජැෆ්නා 
කියන්නෙ(තේරෙන සිංහලෙන් කියනවනන් යාපනය).
                                                                                 
මේ පට්ට ඒරියා එක පැත්තෙ යන්න ගොඩක් අය මාස ගානක් තිස්සෙ පිබුරුපත් ඇදිනවා කියල මං එක්ස්පීරියන්ස් එකෙන්ම දන්නවා.ඉතින් ඒ පොරවල් වලට උදව් වෙන විස්තර ටිකක් අද දාන්න ඕනෙ කියල හිතුන. ඔන්න එහෙනම් මං විස්තර ටික දැම්ම. ඕන අය පැන්සලක් අරගෙන පොතක පිටිපස්සෙ ලියාගන්න. අනිත් අයත් ලියගන්න අව්ලක් නෑ. අම්මල බනින එකක් නෑ. මේවා පොත් පිටිපස්සෙ ලියාගත්ත කියලා.
        
ඔයාල A 9 පාර දිගේම ගියාම යාපනේට යතහැකි. ඒක ඔයාලගෙ අම්මිල තාත්තිල දන්නවා ඇති.මං දැන් කියන්නෙ යාපනෙට ගියාට පස්සෙ ඔයාලට උදව් වෙන දේවල් ටිකක්.මුලින්ම ඔයාල A 9 එකෙන් යාපනේට ඇතුලු උනාම ඔයාලට මුහමාලෙ පොලිස් ආරස්සක බංකරේ(කපොල්ල) හම්බෙයි. එතනදි ඔයාලගෙ විස්තර ඔක්කොම ලියාගන්නව පොතක. පස්සෙ හොදට ඔයාලව චැක් කොරලා කියන දේ ඉතින් මෙතනදි ඇත්තම 
කියල ඉස්සරහට යන්න k ?
                     
 ඊට පස්සෙ පට්ට ඩස්ට් එකක් කන්න පුලුවන් රියා එකක් තමා. පුලුවන් නම් ඒසී දාගෙන යන්න. නැත්තන් මුකවාඩමක් අරන් යන්න. ආහ් කලින් කියන්න බැරිඋනා පුලුවන් තරම් උදෙන්ම යාපනේට එන්න. නැත්තන් අර මුර කපොල්ල ගාව පැය 5ක් විතර හෙන චාටරයක් කන්න පුලුවන්. ඔහොම යනකොට බඩගිනි උනොත් එහෙම අපේ ආමි කොල්ලො කරගෙන යන හෝටල් අම්බානට තියනව බය නැතුව ගිහින් කකින් බඩ පිරෙන්න කන්න. කාල බිල ගෙවාලා යන ගමන් බිමට සමතලා උන වතුර ටෑන්ක් එක බලාගත හැකි. එත් එක්කම ඉරණමඩු  lake එකත් බලාගන්න.පට්ට සීනරි එක.




                                      
 ඔය යන ගමන් සේප් එකේ හසලක ගාමිනී විරුව විනාස කරපු යුද්ද ටැංකියත් බලාගෙන යන්න. එත් එක්කම කොබ්බෑකඩුව මහත්තයා අවාසනාවන්ත විදිහට අනතුරට පත් වූ වාහනෙත් බලාගත හැකි.ඊට පස්සෙ අනිවා නාගදීපයට යන්න. නැත්තන් අන්තිමට යන්න බෝට්ටුවක් අල්ලගන්න පට්ට ගේමක් දෙන්න වෙයි.ගමනට විනඩි 20 විතර යනව. බට් ආතල් ගමනක් චූටි බෝට්ටුවට 100ක් විතර පටවලා ආතල් එකේ යන්න තමා තියෙන්නෙ.





                                         














නාගදීපෙට යන්න ඉස්සර වෙලා මෙන්න මෙව්වා ගන පොඩ්ඩක් බලලා හිටියොත් හොදයි,
 දුපතේ වතුර නම් නෑ.(බොන්න) ඒ නිසා වතුර අරන් යන්න
 රැට ඕනෙනම් නවාතැන් හෑව්.
 රා බොනවනම් එවත් හෑව්ලු. බට් දැක්කෙ නම් නෑ.
 රෑට දුපතෙ වැලි පොලොංගු එහෙම ඉන්නවලු. පරිස්සමට ඇවිදින එක හොදා.
                               
      ඔය උඩ තියන පොටො එක ගන්නම ඔනෙ නම් ගිය වෙලාවක ටිකක් පරිස්සමින් ගන්න නැත්තන් අන්තිමට ‍යාපනේ හොස්පිටල් එකත් බලගෙන එන්න පුලුවන්
                                       
ඔන්න ඔය විදිහෙ දෙවල් ටිකක් තමා කියන්න තියෙන්නෙ. යුස්ෆුල් උනාද දන් නෑ?ආහ් කියන්න බැරිඋනා යාපනෙ අති තරම් නවාතැන් තියනවා.එත් එක්කම ඔය සැර බීම බොන අයට ති තරම් තැබෑරුමුත් හෑව්. එත් ඉතින් ඔව්වා බොන්න එපා තියන පලියට. ආ තව අලිමංකඩින් පස්සෙ Dialog වලත් සිග්නල් ඇත .යාපනේ ටව්මෙදි නම් dialog & mobitel දෙකටම සිග්නල් ඇත. බට් දැන් නම් කොහොමද දන් නෑ .


        
ඉතින් යාපනෙ පැත්තෙ ට්‍රිප් එකක් ගිහින් අපිටත් කියන්නකො අලුත් විස්තර එහෙ...

Sunday, May 8, 2011

මේ පාර වෙසක් එකට බල්බ් වැලක් හදාගමු!

අද ඔයාලට යමක් මතක් කරල දෙන්න හදන්නේ.ඕක කියාදෙන්න කිව්ව නම් මම වැරදියි නේ...කොහොම උනත් 2600 වෙනි බුද්ධ ජයන්තිය සමරන මේ වෙසක් එකට ගෙදර සරස ගන්න ඔයාලගෙම අතින් බල්බ් වැලක් හදාගත්තනම් හොඳ නැද්ද?අනික මේකේ මූලික වියදම වැඩි උනාට පාවිච්චි කරන්න පුලුවන් අවුරුදු ගානත් එක්ක ලාබයි...
මමත් මේ පොර වගේ කිව්වට මමත් එකක් හදලා තියෙන්නේ.මමනම් හැදුවෙ බල්බ් 30 ක එකක්.ඒ කියන්නේ හෝල්ඩර් 30 ක් දැම්ම කියන එක.ඉතින් දැන් මේක හදාගන්න හැටි මම කියල දෙන්නම්...

හෝල්ඩර් 30 යි.[මීට වඩා ඔයාලට දාගන්න පුලුවන්.නමුත් උපරිමය 50 ට වඩා වැඩි කරන්න එපා කියලයි මම කියන්නේ.] 
බල්බ් 30[වොට් 5 පාට බල්බ් ගන්න.පාටවල් 5 කින් බල්බ් තියෙනව.රතු,නිල්,කහ,කොළ සහ සුදු.කැමති පාටවල් වලින් ගන්න.]
ඊට පස්සේ වයර්.මේකට ගන්නේ ෆ්ලෙක්සිබල් වයර්.[වයර් ගනිද්දි ලංකාවෙ හදන මහත වයර් එක ගන්න.හීනි එක ලාබ උනාට ගන්න එපා.ඉක්මනට දිරනව.තව එකක්.මම බල්බ් දැම්මේ අඩියෙන් අඩියට.ඔයාලත් හරියට ගාන මැනලා ඕන පරතරේ ඇතිව වයර් ගන්න.ඕන ප්‍රමානෙට වඩා ටිකක් වැඩිපුර ගන්න මතක් වෙලා.]

මුලින්ම වයර් ටික කපාගන්න.ඔයාලට අඩියෙන් [30 cm] අඩියට බල්බ් දාන්න ඕනේ නම් 32cm විතර කැලි වලට කපාගන්න.
දැන් ඒ වයර් කොං සුද්ද කරන්න 1 cm ගානෙ.ඊට වඩා වැඩිය සුද්ද කරන්න එපා.දැන් වයර් කොනේ කම්බි එකට ඔතන්න.ඊට පස්සේ වයර් කැලි දෙකක් එකට තියලා අමුන ගන්න.හොඳට.හෝල්ඩට් වලට දාද්දී ඒ අමුනපු 1cm දිග කම්බිය දෙකට නවලා හයි කරන්න.ඇනේ හොඳට තද කරන්න.කම්බිය හොඳට අමුනන එකෙන් ගොඩාක් වාසි වෙනවා.අනික කොලිටියත් වැඩියි.ගෙදරට හදන එක නේ.
 
ඔහොම හදාගත්තහම එන හැටි පින්තූර ටිකක් දාන්නම්කෝ මම....

ඔන්න ඔහොම හදාගන්න,හෝල්ඩර් එකේ හයි කරන්න තියෙන කැල්ලේ ගානට වඩා කම්බිය සුද්ද කරන්න එපා.
දැන් ඒකත් හරි.පර්ස් එක ගැනත් හිතන්න එපාය.මගේ වියදම් ටික කියන්නම්.දල අදහසක් ගන්නත් එක්ක.

බල්බ් එකක් (චෙක් නොකර රු 37යි.)මම ගත්තේ චෙක් කරලා එකක් රු.40 ගානේ.හැබැයි චෙක් කලාට එකක්වත් ගැහිච්ච හම්බුනේ නැහැ.
වයර් වලට(හොඳ එක.) මීටරේකට රු.17 ක් විතර.
හෝල්ඩර් එකක් රු 20 උනත් 30 ක් ගන්නකොට 17 ගානෙ දුන්න.

ඔන්න ඔහොමයි පර්ස් එකට දැනුනේ.ඒ වුනත් අවුරුද්දකට සැරයක් බල්බ් වැල ගානෙ ගන්නවට වඩා ඕක ලාබටයි.අනික අවුරුදු ගානක් පාවිච්චි කරන්නත් පුලුවන්නේ....
මෙන්න මම බල්බ් වැල හදලා ටැස් කරන්න බල්බ් දාපු වෙලේ ගත්ත පොටෝ එකක්...


බල්බ් තෝරන්නත් පොටෝ එක උදව් වේවි.මමනම් පාට 5න් ම ගත්තා.ආ තව එකක් බල්බ් වැල බ්ලින්ක් වෙන්න [නිවි නිවී පත්තු වෙන එක.]ඕනනම් සර්කිට් කැල්ලක් දාන්න වෙනවා.ඒක රු.190 ක් විතර වෙනව.එහෙනම් ඔයාලත් හදල බලල කියන්නකෝ...

Saturday, May 7, 2011

ඉක්කෝලෙ ද?කොණ්දෙ ද?

හපෙ හප්පෝ...ආයි ඉක්කෝලේ යන්න වැඩි දවසක් නැත කියන ඉඟි පහල උනා නෙව ටික ටික...බීටා,සසීන්දර ලගේ ඉක්කෝල පටන් ගන්න ලඟයි කිව්වා වගේම අපේ ඉක්කෝලේ පටන් ගන්න කලින් තියන එක රැස්වීමක් ඊයේ තිව්වා.

අපේ එවුන්ස් ටිකත් ඉතින් කිලීන් සූට් ගහල ඇවිල්ල තිබ්බා..එන්න කියාලා තිබ්බේ උදේ 8.00 ට...මම යනකොට 8 ට පහයි...
යනකොටම,
"ආ...කුරුං..කොණ්ඩෙ කපාගෙන පලයං.අන්න අල්ලනවා"
හුටා...
තව ටිකකින් 
"කණ පලාගන්නෙ නැතුව කොණ්ඩෙ කපං පලයං."





කෙලින්ම ඉක්කෝලෙ ඉස්සරහ සැලුන් එකට.
"ආ ඇන්ටී කොණ්ඩෙ කපන්න..."කියාගෙන යන්නෙ කොහොමද?ඒ වෙනකොටත් 7ක් විතර පෝළිමේ...
මොනව කරන්නද පෝළිමේ හිටිය...
වට පිට බැලින්නම්....

එකෙක් කලිසමේ ෆෝල්ට් එක කපනව...
තව එකෙක්....
"අනේ මචං මේක ඇඳපං..." 
මගේ ඉස්සරහ,ඇහි බැම පාට කරන පැන්සලකුත් එක්ක...
හ්ම් වරෙන් අඳින්න...
බැලින්නම් ඌ කපාගෙන...
ඇහිබැම

"ඇන්ටි,මගේ වටේ තියල උඩින් කපන්න..ඒ කොණ්ඩෙ..
කොහොම හරි විනාඩි 35 ට 7 දෙනෙක්ගෙ කොණ්ඩ කැපුව.
එකාගෙන් 80ගානෙ...අපෙ අප්පො...මමත් 80ක් පිදුව...

ඇවිත් බැලින්නම්...එක තැනකින් කොණ්ඩෙ එහෙමමයි...තව තැනකින් තට්ටෙ...
ආයි කැපුව අද...
දැන් එහෙම් පිටින්ම තට්ටෙ...



:(

Friday, May 6, 2011

මොකක්ද මේ WWT

ෆේස් බුකියෙ චැටක් දාන්න,එහෙම නැත්නම් පොඩි ගේමක් ගහන්න, ඒත් නැත්තන් නෙට් එකේ සර්ෆින් පාරක් දාන්න කොම්පියුටරේ ඉස්සරහ වාඩි වෙන ඔයාලට දැන් මේ මුලු විශ්මයම අතේ තියාගෙන බලන්න චාන්ස් එකක් හම්බුනොත් එක කොච්චර පට්ට අත්දකීමක් වෙයිද?
      ඉතින් ඒ සිරා අත්දැකීම දැන් ඔයාලටත් ඔයාලගෙ මැසිම ඉස්සරහට වෙලා කෝපි එකක් බොන ගමන්ම විඳගන්න මයික්‍රොසොෆ්ට් සමාගම අපිට චාන්ස් එකක් දීලා තියනවා.WWT එහෙම නැත්තන් World Wide Telescope කියල හදුන්වන මෙම මෘදුකාංගය අපිට මේ අවස්ථාව සලසා දෙනවා.ලොව සුපතල  Google සමාගම විසින් මීට පෙර නිපදවා තිබූ Google Earth ට සමාන කම් දැක්වුවත් මෙය ඊට හාත්පසින්ම වෙනස් මෘදුකාංගයක් වෙනවා.ඒ මොකද ලොව අතිශයින්ම ක්‍රියාකාරී ප්‍රබල දුරේක්ශ වන නාසා හි Spitzer,Chandra ,හබල් සහ වෙනත් අතිප්‍රබල දුරේක්ශ WWT හි දත්ත සැපයුම් මධයස්ථාන වන නිසාවෙන්.Google Earth ට වඩා ඉතා පුලුල් ලෙස විශ්වය පිලිබදව හැදෑරීමට චාන්ස් එකක් අපට ලබාදෙන මෙ මෘදුකාංගය පහතින් දක්වා ඇති ලින්ක් එක මත කෙටීමෙන් ඔබට බාගැනීමේ හැකියවක් ඇත.
                   http://www.worldwidetelescope.org/Home.aspx
මේක බාගන්න අකමැති අයට මෙන්න මෙ ලින්ක් එක ෆලෝ කරල ඔන්ලයින්ම මේකෙන් වැඩ ගන්න පුලුවන්.
                  http://www.worldwidetelescope.org/webclient/






මේක ඔයලගේ මැසිමෙ ඉන්ස්ටෝල් කරල වැඩ ගන්න නම් පොඩි සුදුසු කම් වගයක් තියනවා.බලන්නකො ඔයාලම.

  • PC with Intel Core 2 Duo processor with 2 gigahertz (GHz) or faster, recommended 1 gigabyte (GB) of RAM; 2-GB RAM recommended



  • 3-D accelerated card with 128 megabytes (MB) RAM; discrete graphics card with dedicated 256-MB VRAM recommended for higher performance



  • 1 GB of available hard disk space; 10 GB recommended for off-line features and higher performance browsing



  • Super VGA (1024 x 768) or higher resolution monitor



  • Microsoft Mouse or compatible pointing and scrolling device



  • Microsoft® XP SP2 (minimum) , Windows® Vista® (recommended)



  • Microsoft® DirectX® version 9.0c or later and .NET Framework 2.0 or later





  • ඔයාලා මැක් නම් යූස් කරන්නේ මේ ටික ඕනේ,

  • A version of Microsoft Windows must be installed



  • Macintosh® with an Intel Core 2 Duo (2.2 GHz or faster) processor recommended



  • 1 gigabyte (GB) of RAM; 2-GB RAM recommended



  • NVIDIA GeForce 8600M GT graphics card with 128-MB SDRAM or recommended



  • HFS+ hard disk format (also known as Mac OS® Extended or HFS Plus) and 10 GB of available hard disk space



  • 1440 x 900 or higher-resolution monitor



  • Mouse or compatible pointing device



  • Mac OS® X version 10.2 (Jaguar) and Boot Camp; Mac OS X Leopard is recommended



  • Microsoft DirectX Runtime 9.0c or later and .NET Framework 2.0 or later



  • Required for some features; Internet connection at 56 Kbps or higher through either an Internet service provider (ISP) or a network. Internet access might require a separate fee to an ISP; local or long-distance telephone charges might also apply





  • එක බොත්තමක් එබූ පමණින් මුලු විශ්වයම අතට ගන්න මේ හරහා ඔබට පුලුවන්.ඉතින් තවත් බලාගෙන ඉන්නෙ නැතුව ට්‍රයි එකක් දාලා බලන්න WWT වල වැඩ කිඩ.
    There was an error in this gadget

    පස්සෙන් එන්න