web 2.0

Wednesday, December 21, 2011

අලු දූවිලි ගසාදාල

හා හා පුරා කියල හද්ද කාලෙකට පස්සෙ කොපි කඩෙ අලු දූවිලි ගසාදාල ආයෙත් අකුරු ටිකක් අමුනන්න හිතක් පැදුනා.හේතුව නම් එකක් කියල නෙවෙයි.දෙක තුනක්ම තියෙනව.
ජීවිතේ මතක සැමරුම් සටහනක් විදියටත්,කාලෙකින් අප්ඩේට් නොවුන බ්ලොග් එකක් විදියටත් ආයෙත් බ්ලොග් කෙරුවාවට ලාවට ලාවට බහින්න හිතුව.එහෙනම් අලු දූවිලි ගහල දාල නැගිටින්න හදන කෝපි කඩේට ඔහෙලත් ආයෙමත් ගොඩවෙන්නකෝ.
අලුතෙන් කෝපි හැඩුවෙ නැති නිසා අපේ සින්ඩි වල ඇඩ්මින්වරු කඩේ අයින් කොරලද මන්ද.ඒවත් හෙට අනිද්දා දිහාට බලමුකෝ.එහෙනම් ගිහින් එන්නම්...

Thursday, August 11, 2011

මෙහෙව් රටක අපි දැන්වත් ඇස් ඇරිය යුතු නොවේද?????

කොපි කඩේ අවුරුදු 2ක් විතර තිස්සේ සයිබර් අවකාෂය තුල අලුත් යමක් කරන්නට ට්‍රයි කොලපු බ්ලොගයක් කියන එක මෙහේ නිතරම යන එන අපෙ කෝපි බොන සහොදර සහොදරියො දන්නවා ඇතිනේ....මේ පුංචි බ්ලොගයෙ නිර්මාතෘවරයා වෙන විදියකට කියනවනන් අපේ කුරුමා තමන්ගේ අධයාපන කටයුතු නිසා ටික කාලෙකට මෙකෙන් අයින් වෙලා ඉන්නෙ කියන එක බොහොම ප්‍රසිද්ද රහසක් නෙහ්.ඉතින් ඒ යකා යන්න කලියෙන් මම අතුලු අනික් මෙකේ ලියන කස්ටියට කිව්වෙ කෝපි කඩේ වැහෙන්න නන් දෙන්න එපා බං කියලා.එත් කරුමෙ කියන්නෙ අපිත් පට්ට බිසී මෙ දවස්වල ඔන්න ඉතින් වෙලාවක් ලැබුන වෙලේ මේකට ආවෙ පෝස්ට් එකක් දාලා යන්න.මං මෙ අන්සෙට පට්ට පට්ට අලුත් ඉතින් මන් ලියන එව්වා මෙලෝ රහක් නැතිවෙන්නත් පුලුවන් එහෙම උනොත් ඉතින් සමාව බාජනේකට දාලා අඩුපාඩු ටික පෙන්නලා දෙන්න එක ලොකු දෙයක්,,,
                      අද කියන්න යන දෙට නන් සමහරුන්ට ෆ්ල්වර් ජම්ප් වෙයි එත් එකම එක පාරක් තමන්ගෙ හිතට තට්ටු කරල බලන්නමන් මෙ කියපු දෙවල් හරිද වැරදිද කියලා මේක මට ආපු මේල් එකකින් උපුටා ගත්ත දෙයක් මේ දේ ඉතාම පොඩි උනත් 3වන ලෝකයෙ දියුනු වන රටක් වන ශ්‍රී ලංකාවට ගොඩක් වටිනවා ලංකාවේ අද යතාර්තය මෙකයි.


ඔන්න ඕකයි තත්වේ ඉතින් පොඩ්ඩක් හිතලා බලන්න ලංකාව වගෙ රත්තරන් රටකට වෙලා තියන දේ ???????
ඉතින් මෙ අපේ රට ආයිත් මුතු ඇටයක් කරන්න අපි හැමොම එකතු වෙමු එක අපෙ යුතුකම සහ වගකීමයි
(අඩුපාඩු ඇති අම්බානට එව්වා ඔක්කොම කියලා දෙනවනන් ලොකු දෙයක් ඒක )





Wednesday, August 3, 2011

බ්ලොග් ලිවීමෙන් ඇත් වෙමි.

කුරුං විදියට බ්ලොග් ලිව්ව මම තීරනේ කලා බ්ලොග්කරණයෙන් ඇත් වෙන්න.අවුරුදු කිහිපයකට.මේ කෙරුවාවෙන් ඇත් වෙලා ඉන්න එක ගොඩක් අමරු වෙයි.නමුත් මේ ඒකාකාරී බවෙන් මිදෙන්න ඕන කියල හිතට දැනුන.
ඒ නිසා කෝපි කඩේ බ්ලොග් එක ලියන්න තව 4 දෙනෙක්වම දාල මම මේ බ්ලොග් එකේ කර්තෘකමෙන් අයින් වෙනව.
2009 අප්‍රේල් මාසෙ අන්තිම දවස් වල සිංහල බ්ලොග් කලාවට එකතු වෙච්ච මම ගොඩක් කල් බ්ලොග් ලියන්න එකතු උනා.අවුරුදු 2 කුත් මාස 6 ක් විතර.සිංහල බ්ලොග් අවකාශෙ එකසිය ගනන් වල බ්ලොග් අතරට එකතු වෙච්ච මම බ්ලොග් එක්දාස් පන්සීයකටත් වැඩි වෙනකම් ලිව්ව.ඔයාල කියෙව්ව.
බොහොම ස්තුතියි මේ කුරුමා ලියපු ලිපි කියවන්න ආවට.
මේ බ්ලොග් කෙරුවාවෙන් ඇත් වෙන්නෙ මොකද කියල කිව්වොත්,
ඇත්තටම මේ ඒකාකාරී බවෙන් මිදෙන්න.
ඕක කිව්වෙ නැත්නම් අර කුප්ප ම කුප්ප එකා මට මොකක් හරි කියනව.
ඉස්සෙල්ල පෝස්ට් එකක සූටි මැණිකෙ ගැන ලියල,මොකක්ද උනේ කියල බලන්න කෝල් එකක් දාපු අපේ ගෝල් ෆිශ්,ටුවිටරේ මඩ ගහපු රත්ගම අයිය,බනිය,කිඩෝ,ප්‍රමුක,මාරෙ අයිය,අපරාජිතය,ටිමොන්,ගීනාත් අයිය,කතන්දර අයියා,නෙත්පානි අක්ක,පසන්,සුදු මහත්තය,පසිඳු අයිය,චතුර අයිය,දේවා,සඳරු,චතූ,ආගන්තුකය, ඇතුලු නම් කී නොකී හැමෝටම ස්තුතියි සහය දුන්නට.
ඒ වගේම කාලිංග අයිය,ඉන්ද්‍රනාම අයිය,මනුශාන් අයිය ඇතුලු බ්ලොග් අවකාශෙ ලස්සන කරන්න එකතු වුන,එකතු වෙන අයවත් මතක් කරනව මට දුන්න සහයෝගයට.
සින්ඩි හදල සහයෝගය දෙන සියලුම සින්ඩි වල ඇඩ්මින්වරුන්ටත් ස්තුතියි ලාබ බලාපොරොත්තු නොවී සිංහල බ්ලොග්කරණයට අත දීම ගැන.
බ්ලොග් එක ෆලෝ කරල,කමෙන්ට් කරල,අඩුම ගානෙ එකපාරක් හරි බ්ලොග් එක බලන්න ආව නරඹන්නන්ටත් ස්තුතියි.




හැමෝටම සුභපැතුම්.
ඒ වගේම මම මේ බ්ලොග් කෙරුවාව නිසා කාගෙහරි කෙනෙඛෙ හිත රිදුනනම් සමාවෙන්න.

Tuesday, August 2, 2011

බ්ලොග්කරණයේ සාර්ථක වන්නේ සිතීම හා ලිවීම අනුවයි.

බ්ලොග්කරණයේ සාර්ථකත්වය ගැන මම ටිකක් මේ දවස් වල ටැස්ටිං පාරක් දැම්ම.මොකද අපේ ලියන සමහරු කමෙන්ට්ස් නැ,හිට්ස් නැ කියල මේ ගැන කලකිරිල ඉන්න නිසා.
මුලින්ම මේ බ්ලොග් එක ගැන කියන්නම්.කෝපි කඩේ බ්ලොග් එක පටන්ගෙන අදට දවස් 740 ක් වෙනව.ලිපි 251ක් [මේක නැතුව.]හිට්ස් 468XX ක්.සිංහල බ්ලොග් එකක් උනත් සාපේක්ශව බලද්දි අසාර්ථක බ්ලොග් අඩවියක්.
ලිපි 251 න් 230 ක් විතරම මම ලියපු ඒව නිසා මම ලියන දේ මොකක් හරි අවුලක් ද කියල බලන්න මම පටන් ගත්ත කාටවත්ම නොකියා බ්ලොග් එකක්.
"බෙලෙකා" කියන නමින් wordpress වල බ්ලොග් එකක් අටවගෙන, අවුරුදු 26 ක තරුනයෙක්ගෙ චරිතයකට ඇන්ද.
අන්න එතනදි මම සාර්ථක සහ මට මගහැරුණු දේවල් ටිකක් මම ඉගෙනගත්ත.ඒ බ්ලොග් එකේ පෝස්ට් 8 ක් විතර ලියල මම බුකියෙ කීපදෙනෙක්ට මම කවුද කියල කිව්ව.සමහරු විස්වාස කලේ නැහැ එකපාරටම.
බනී,ප්‍රමුක,කිඩෝ ඒ අයගෙන් සමහරු.
එතනින් ඔප්පු වුනා ලියන දේ කියවන කෙනාට දැනෙන්න,හොඳ විදියකට ඉදිරිපත් කලාම එතනට කියවන්නන් ගලාගෙන එනව කියන එක.
ඒ නිසා ඔයාලත් හිට්ස් මදි හෝ කමෙන්ට්ස් මදි කියල හිතන්නෙ නැතුව අලුත් විදියකට ලියන දේ ලියන්න.ඔයාල අනිවාර්යයෙන්ම සාර්තක බ්ලොග්කරුවන් අතරට එක්වේවි.

කුරුමා අවුරුදු 26 ක බෙලෙකා ට ඇඳ හැටි මෙතනින් ගිහින් බලන්න.

Thursday, July 28, 2011

මොනවද මේ Fevicon කියන්නෙ?

බොහොම කෙටි ලිපියක් උනත් බොහොමයක් අය නොදන්න යමක් ගැන කියාදෙන්න හිතුන අදත්.මේ කියන්න යන්නෙ ෆෙවිකොන් [Fevecon] ගැන.
ඇත්තටම මොනවද මේ ෆෙවිකොන්?මේවයින් මොකක්ද වෙන්නෙ?ඉන්නකො එකින් එක කියල දෙන්න.
ෆෙවිකොන් කියන නමින් හඳුන්වන්නේ වෙබ් සයිට් එකේ නමත් එක්ක ටැබ් එකේ සහ ඇඩ්‍රස් බාර් එකේ වැටෙන පින්තූරෙ.හරියට මේ වගේ.

 ඔන්න ඔය රතුපාටින් ලකුණු කරල තියෙන්නෙ ෆෙවිකොන්ස්.

දැන් තේරෙනව නේද දන්න දෙයක් ගැන නොදන්න යමක් තමා මේ මනුස්සය මෙච්චර වෙලා කියල තියෙන්නෙ කියල.
දැන් එකපාරටම මේක මූට මතක් උනේ මොකද?අන්න ඒ අද මම කාලෙකට පස්සෙ බ්ලොග් එකේ ඩිසයින් විව් එකට ගියහම දැක්ක මෙන්න මෙහෙම තැනකින් අපේ බ්ලොග් එකේ ෆෙවිකොන් එකත් ලේසියෙන්ම මාරු කරන්න පුලුවන් කියල.

 ඔන්න ඔය තැනින් තමා ඔය මම මගේ බොලොගේ කලා වගේ ෆෙවිකොන් එක වෙනස් කරන්න හැකියාව ලැබිල තියෙන්නෙ.ඉස්සර නම් ඕක වෙනස් කරන්න Edit HTML ගිහිල්ල සෙල්ලම් ගොඩක් දාන්න ඕන වැඩක්.ඔන්න දැන්නම් නතිං.
අප්පට සිරි....මේ මනුස්පය මේ ගින්දර වගේ ෆෙවිකොන් එකක් දාගෙන තියෙන්නෙ.මූ මාර ක්‍රියේටිව් නේ.කොහොමද මේක හදාගන්නෙ? කියන ප්‍රශ්නය හිතට ආවනම් මෙන්න විසඳුම.
අපට නොමිලේ ෆෙවිකොන් ගන්න සයිට්ස් තියෙනව.නැත්නම් මම කලා වගේ ගූගල් දෙයියන්ගෙන්
[අවශ්‍ය තේමාව] Fevicons කියල ඉමේජ් සර්ච් පාරක් දාගෙන එන ඉමේජ් එක මැසිමෙ සේව් කරගෙන අතනට අප්ලෝඩ් කලානම් හරි.
ආ තව එකක්.මේ ෆෙවිකොන් එක දැම්ම ගමන් සුටුස් ගාල වෙනස් වෙන්නෙ නැ.ටිකක් වෙලා යනව.මගේ එකේ ෆෙවිකොන් එක වෙනස් වෙන්නත් පැය 4 ක් 5 ක් ගියා.
මෙන්න නොමිලේ ෆෙවිකොන්ස් දෙන සයිට්ස්.

Tuesday, July 26, 2011

අලුත් බ්ලොග් ලියන්නන්ට ලියමි.

කාලෙකින් ලියන්න ආවෙ.මේ ලිපියනම් ලියන්නෙ බ්ලොග් කෙරුවාවට එන අලුත් අයට.මේ බ්ලොග් කෙරුවාවෙ මම ලබපු අත්දැකීම් ඔයාලට ඔයාලගෙ බ්ලොග් සාර්ථක කරගන්න උදව් කරගන්න ලැබෙයි කියල හිතනව.
ම්ම්ම්...කොහෙන්ද පටන් ගන්නෙ.අහ්...මේ ලිපිය ලියන්න මුල් වෙච්ච හේතුවෙන්ම පටන් ගන්නම්.
සමහර බ්ලොග් ලියන සහෝදරයො තමන්ගෙ බ්ලොග් එකට කමෙන්ට්ස් නැති නිසා හෝ හිට්ස් නැති නිසා කියන කාරණේ නිසා බ්ලොග් කෙරුවාවෙන් ඉවත් වෙනව කියල ලිපි දාල තිබ්බ.
එහෙම දාපු එක ලිපියකට මම දාපු කමෙන්ටුවක් තවත් ගොඩක් බ්ලොගර්ස්ල සනාථ කරල තිබ්බ නිසා ඒ කතාවම උපුටා දක්වල ඉන්නම්.[ඒ කමෙන්ට් එක ඒ අදාල ලිපියට ලියපු නිසා සමහර තැන් ගැලපිල්ලක් නැ වගේ පෙනෙයි සමහරවිට.]

කුරුං ගුරුං said...
අපිටත් ඔහොම හිතිච්ච කාලයක් තිබ්බා.ඒත් ඔහොම කලේ නැහැ.තව ලියන්න.ගුණත්මක බව වැටිකර ගන්න...එක එක අංශ වලට අදාල වෙන්න ලිපි දාන්න.ඒ වගේම ඒ අතරෙදි බලන්න මොනවද වැඩියෙන්ම හිට් වෙන්නෙ කියලා.ටික දවසක් යනකොට ඉබේම හරියාවි.වැඩිය පින්තූරම දාන්න එපා.කියවන්න වටින,විනෝදාත්මක දේවල් දාන්න..
හොඳම එක-අනිත් අයගේ බ්ලොග් එක්ක ඔයාගේ එක කම්පෙයාර් කරන්න යන්න එපා.එහෙම උනොත් ඔයාට බ්ලොග් ලිවිල්ල තව එපා වෙනවා...ඔයා ඔයාගේ බ්ලොග් එක හොඳට කරන්න...නිකන්ම විසිට්ස් වැටේවි. 
මමනම් පුද්ගලිකව පින්තූර බලන්න බ්ලොග් වලට යන්නේ නැහැ.ගොඩක් අයත් එහෙම ඇති.හිනාවෙන්න දෙයක්,අලුත් දෙයක් ලියන්න... 
  
දිනේශ් දීපාල් said...  
 
මිත්‍රයා අපි ලියන හැමදේම අනික් කෙනාට වැදගත් හෝ ප්‍රියනොවෙන්නට ඉඩ තියෙනවා. ඔයාටත් වැඩිය ඒ ගැන අත්දැකීම් මට තියෙනවා. මම ලියන හැම ලිපියකටම හොද hits ලැබෙන්නේ නැහැ. සමහර අඩු වෙහෙසකින් ලියන ලද ලිපි වලට ඉහල පාඨක අවධානය ලැබෙද්දී හොදට දවස් ගණනක් මහන්සිවෙලා ලියන ලිපි සමහර වෙලාවට එදා දවසෙන් පස්සේ කවුරුවත් බලන්නේ නැති අවස්ථා එමට තියෙනවා. අපි‍ට හැමදාම ගුණාත්මකබවෙන් ඉහලම ලිපි ලියන්න හැකියාව ලැබෙන්නෙත් නැහැ. ඒක නිසා කුරුං ගුරුං මුලින්ම කියල තියෙන අවවාද උපදෙස් ඉතාම වටිනවා. මමත් ඒකට තව පොඩි කාරණයක් එකතු කරන්නම් එක්කෙනෙකුට හිනා යන දේ තව කෙනෙකුට හිනා නොයන්න පුළුවන්. ඒක නිසා හිනා යන දේවල් ගැනම බ්ලොග් සටහන් පල කරන්නේ නැතුව වෙනස් වෙනස් කාලීන මාතෘකා හා පාඨකයන් වැඩිපුර බලාපො‍රොත්තුවෙන්නේ මොනවගේ දේවල් වලටද කියල අවධානය යොමුකරන්න...
 

ඔය තියෙන්නෙ ඒ පෝස්ට් එකට මගෙන් සහ දිනේශ් කියන සහෝදරයගෙන් වැටිච්ච කමෙන්ටු දෙක.ඔය කමෙන්ටු දෙකේ මම මේ කියන්න යන කාරණා ගොඩක් සඳහන් වෙලා තියෙනව. 

1.තමන්ගේ බ්ලොග් එකට අනුන්ගෙ ලිපි[බ්ලොග් අඩවි වල තියෙන ඒව.] දාන්න එපා.


ඔයා කෙනෙක්ගෙ පෝස්ට් එකක් කොපි කරල දානව කියන්නෙ ඔයාගෙ බ්ලොග් එකට විතරක් නෙවේ ඔයාගෙ නමටත් කැළලක් ඇති කරගන්න වැඩක්.ඒ නිසා ඔයාගෙම නිර්මාන දාන්න.

2.ගුණාත්මක බව වැඩි දෙයක් ලියන්න.
බ්ලොග් එකට පෝස්ට් ලියද්දි ඒක කියවන කෙනාට වැදගත්,බ්ලොග් එකට ආව එක පාඩුවක් නෙවේ කියල හිතෙන පෝස්ට් එකක් දාන්න.ජීවිතේට යමක් ගන්න,විනෝදය ලබන්න,අලුත් දෙයක් දැනගන්න,කල්පනා කරන්න වගේ දේවල් දාන්න.


3.පොටෝ වලින් ඉදිරිපත්කිරීම් අඩු කරන්න.
ඒ හරුපෙන් කිව්වෙ ඔයාගෙ බ්ලොග් පෝස්ට් හැම එකක්ම පෝටෝ ටිකක එකතුවක් නැතුව,යමක් හිතල ලියන්න.[පොටෝ කතා අඩු කරන්න.] 
4.තමන්ගෙ බ්ලොග් එක අනෙක් බ්ලොග් එක්ක සංසන්දනය කරන්න එපා. 
වෙන බ්ලොග් වලට දවසකට මෙච්චර විසිට්ස් වැටෙනව.මට මෙච්චරයි කියල හිතල ලියන එක නවත්තන්න එපා.අද එච්චර හිට්ස් වැටෙන බ්ලොග් උනත් පටන් ගන්න දවස් වල ඔයාලට තරම්වත් හිට්ස් තිබුනෙ නැතුව ඇති.[සාපේක්ශව සිංහල බ්ලොග් කියවන පාඨකයන් ගනන දිනෙන් දිනම වැඩි වෙනව.] 
5.බ්ලොග් එක සින්ඩි වලට දාගන්න. 
මේ වැඩේ බ්ලොග් ලියන්න ආව දවසෙම කරන්න බැරි වෙයි.නමුත් ලිපි 5ක් 6ක් වගේ පල කලාට පස්සෙ ඔයාගෙ බ්ලොග් එක සින්ඩි වලට දාන්න ඉල්ලුම් කරන්න.දැන් වෙනකොට සිංහල බ්ලොග් කියවනය,ලාංකීය බ්ලොග් කියවනය,හත්මාලුව,දෙරණ FM එකෙන් කරන සිංහල බ්ලොග් කියවන Bla Bla Bla....... වගේ ගොඩක් සින්ඩි තියෙනව.ඒවයින් ඔයාල උදව් ගන්න. 
ඔයිට අමතරව බ්ලොග් ලියන්න හොඳ අදහස් ගන්න සහ සමීක්ශණයක් කරන්න අනෙක් බ්ලොග් අඩවි වලටත් යන්න.මෙන්න මේ අඩවි මම ගොඩාක් කියවන,ඉන්ට්‍රස්ට් අඩවි.කැමතිනම් පරණ පෝස්ට් එහෙම බලල,මොනවගේ පෝස්ට් වලටද හොඳට හිට්ස්,කමෙන්ට්ස් තියෙන්නෙ කියල අඳුන ගන්න.හැබැයි කොපි කරන්න යන්න එපා.

මාරයාගේ හෝරාව

රත්ගමයා 
අපරාජිතයා:::Aparajithaya
ගෝල්ඩ් Fish ගේ Blog ටැංකිය 
කොට ජීවිතේ

ඔය උඩි දැම්මේ මම ආස කරන එව්වයින් ටිකයි හොඳේ.අනිත් අයගෙ එව්වත් වෙලාවක මම ගානට දාන්නම්කෝ.[හා හා නාඬා හිටපන්.මම ලඟදිම ඇඩ් දාල ලිපියක් දානව.නොමිනේශන් කමෙන්ට් වලින් මේ පෝස්ට් එකේ ම දාන්නකෝ.]

හැබැයි ඔය මොක කලත් පුතෝ මෙන්න මෙහෙම එකක් තියෙනව.ඔයා ඔයාගෙ බ්ලොග් එක තමන්ගේ ට්‍රැක් එකේ හොඳ තත්වෙන් කරනව නම් නිකන්ම තමන්ගේ ට්‍රැක් එකට ආස කරන කියවන්නො ටිකක් එකතු වෙනව.
එහෙනම් හොඳ නරක කියලම යන්නකෝ.

Sunday, July 17, 2011

දිරිය සිතැතෝ....

සෑහෙන කාලෙකට පස්සෙ වෙලාව තිබ්බ වෙලාවක කඩෙට ආවෙ.මොකුත් ලියාගන්නත් බැරිඋනා පහුගිය කාලෙ .හදිස්සියෙම දැකපු මේල් එකක් ඔයාලට පෙන්නුවොත් හොයි කියල හිතුනා.ටයිප් කරන්න කම්මැලි. ඉමෙජ්ස් උ කොටල කියවලා බලන්න.සෑහෙන්න වටින කතාවක්.










Wednesday, July 13, 2011

ලෝකෙ වටිනම අතුරුපස ගැන දැනගන්න එන්න



ඔන්න අද මං කියන්න යන්නෙ කටට කෙල උනන දෙයක් ගැන.හැබැයි බඩජාරියෝ ඉන්නවා නම් එහෙම දැන්මම ගියොත් හොඳයි.මොකද කාට හරි මේක කන්න දොල දුකක් එහෙම පහල වුණොත් මට බෑ ඔව්වට වග කියන්න.

කව්ද කැමති $25000 කෑමක් වෙනුවෙන් වියදම් කරන්න.එහෙම ඇත්තෙක් ඉන්නවා නම් මේක බැලුවට කමක් නෑ.මේ ලෝකෙ වටිනාම කෑම වලින් එකක්.නම තමයි Frrozen Haute Chocolate.:)



හරි ඉතින් දැන් මෙච්චරටම ගණන් අතුරුපසේ මොනවද තියෙන්නේ?ඉන්න ඉන්න ඉතින් කියනකන්.ලෝකය පුරා තියෙන රටවල් 14කින් ලබා ගත්තු විවිධ කොකෝවා ජාති 28ක්,කිරි සහ කැරට් 24 රත්තරං ග්‍රෑම් 5ක්..ඒ රත්තරං ආහාරයට ගන්න හැකි විදිහට තමා සකස් කරලා තියෙන්නෙ.
         හෑ කන්න පුලුවන් රත්තරනුත් තියෙනවද?ඔව් ඔව් තියෙනවා..හරි ඉතින් ඒත් ඔය ටික වටිනවඩ $25000ක්?නෑ නේද?එහෙනම් ඇයි මේ තරම් ගණන්?තව තියෙනවා...

මේක ආහාරයට ගන්න තියෙන හැන්ද ත් සකස් කරලා තියෙන්නෙ රත්තරනින්.ඒ වගේම දියමන්ති වලින් සරසලා තියෙනවා.කාල ඉවර වෙලා ඔයාලට මේක ගෙදර ගෙනියන්න පුලුවන්.මේක පිලිගන්වලා තියෙන බඳුනත් ආහාරයට ගන්න පුලුවන් රත්තරං වලින් සරසපු එකක්.ඒ වගෙම Frrozen Haute Chocolate අන්තර්ගත වෙලා තියෙන තවත් දෙයක් තමා La Madeline au Truffle මට මේකට සිංහලෙන් කියන නම නම් හොයාගන්න බැරි වුණා.නමුත් මං හොයාගත්ත විදිහට නම් La Madeline au Truffle කියන්නෙ හතු වගේ කෑමට ගත හැකි ෆන්ගී විශේෂයක්.ඒකත් ලෝකෙ වටිනාම ආහාර අතරට එක් වුන එකක්.කවුරුහරි හරියටම දන්න කෙනෙක් ඉන්නවා නම් දැනුවත් කරන්න.2007 දි තමා මේක ලෝකෙ වටිනාම අතුරුපස විදිහට නම් කරලා ගිනස් පොතට එක් වෙලා තියෙන්නෙ.හැබැයි කාපු කෙනෙක් නම් නෑ.:P

මගෙ කතාව ඉවරයි,දැන් ඉතින් කටට ආපු කෙල ටික ගිලින්න.මේක කන්න වාසනාවක් නැති එකෙ පහේ චිට් චැට් එකක් වත් අරන් කන්න හිත හැදෙන්න :D මේ වගේම තව කේක් එකක් ගැන මගෙ බ්ලොගියෙ දාන්න හිතං ඉන්නෙ.

කෝපි කඩේට ගොඩ කාලෙකින් ලිව්වෙ නැති නිසා ලිව්වා,නැත්තම් මගෙ යාලුවා කුරුං ගුරුං තරහ වුණොත් හෙම?දැන් ඇවිත් මාව මරන්න හැදුවොත් එහෙම ඔයාලවත් උදව්වට එන්න හොඳේ.

Thursday, July 7, 2011

Free Web Hosting යනු?




කාලෙකින් ලියන්නත් බැරි උන එකේ අද මම ලියන්න හිතුවේ Free Web Hosting කියන්නෙ මොකක්ද කියන එක.මමත් මේක ගැන පරතරේකටම දන්නෙ නැ.දන්න ඒවත් සමහර විට වරදින්න පුලුවන්.නමුත් කිසිම දෙයක් නොදන්න කෙනෙක්ට මේක කියවල දළ අවබෝධයක් හරි ගන්න ලැබෙනවනම් ඒක වටීවි.මම වැරදි දෙයක් සටහන් කරල තියෙනව නම් දන්න කෙනෙක් කමෙන්ට් එකකින් මාවත් දැනුවත් කරන්න.
Free Web Hosting වලට කලින් අපි කතා කරමු Web Hosting කියන්නෙ මොකක්ද කියල.අපට මේ සේවාව මූලිකවම අවශ්‍ය වෙන්නෙ වෙබ් අඩවියක් කරනකොට.හිතන්නකො අපි අලුතෙන් වෙබ් අඩවියක් නිර්මාණය කරනව අපේ පරිගණකයේ තියාගෙන.අපි පරිගණකයේම වෙබ් ගවේශකයෙන් (Web Browser) එකෙන් ඒ අඩවිය නරඹනව.හිතුනද Web Browser එකෙට ඒ සයිට් එක ලෝඩ් වෙන්නෙ කොහෙන්ද කියල?එතනදි Web Browser එකෙන් අදින්නෙ ඔයාගෙ පරිගණකයේම තියෙන සයිට් එක.
නමුත් අන්තර්ජාලයට එහෙම කරන්න බැ.මොකද ඔයාගෙ පරිගණකය පැය 24 ම අවුරුද්ද පුරාම එක දිගට වැඩ කරවන්න බැරි නිසා.(කාර්මික දෝෂ,විදුලි ඇනහිටීම්,අන්තර්ජාල සම්ම්බන්ධතාවයේ අවහිරතා වගේ ගැටලු නිසා.)
අන්න එතනදි තමයි අපට Web Hosting ඕන වෙන්නෙ.මේ සේවාව ආයතන රාශියකින් ලබාදෙනවා.එයාල ඒ සඳහා විශාල මූලික වියදමක් කරලා විශේෂිත Server පරිගණක,අධිවේගී අන්තර්ජාල සම්බන්ධතා,විදුලි ඇණ්හිටීම් වලට ලැස්ති වෙලා තමයි කටයුතු කරන්නේ.
ඉතින් ඒ Server පරිගණක වල හාඩ් ඩිස්ක් එකෙන් යම් කිසි ඉඩක් ඔයා හදන සයිට් එකට වෙන්කර ගැනීම තමයි Web Hosting වලදි සිද්ධ වෙන්නෙ.ඔයා ගන්න ඉඩ ප්‍රමාණය සහ එයාල දෙන සේවාව මත ගාස්තුව තීරණව වෙනවා.ඒ වගේම ඔයාල ඒ මිලදී ගන්න ඉඩ ප්‍රමාණයට Upload කරන ඩේට ඒ කම්පැණිය සතු Servers ගානකටම යනව.ඒ කියන්නෙ එක Server එකක් අක්‍රීය උනත් වෙන එකකින් ඇදල හරි වෙබ් අඩවිය නරඹන්නන්ට ලෝඩ් වෙනවා.
Free Web Hosting කියන්නේ මම ඔය ඉහතින් කියපු සේවාව නොමිලේ දෙන එක.එතනදි නම් මුදල් දීල ගන්න එකක තරම්ම පහසුකම් හම්බෙන්නෙ නැ.සයිට් එක ටෙස්ටිං වගේ දාන්න නම් අවුලක් නැ.නොමිලේ දෙන සමහර සේවා නියමිත කාලයක් විතරයි වලංගු.(මාසයක් වගේ කාලයක් බොහෝවිට.ඊට පස්සෙ ඔයාලගෙ Site එක එයාල Server එකෙන් ඉවත් කරනව ඔයා එයාලගෙන් මුදල් ගෙවල සේවාව ගත්තෙ නැත්නම්.)
මමනම් Free Web Hosting දෙන සයිට් ගැනනම් වැඩිය දන්නෙ නැ.නමුත් http://zymic.com/ කියන එකෙන් ලබාදෙන සේවාව මගේ ගුරුතුමෙක් භාවිතා කරනව.එයා කිව්ව විදියටනම් ඒක හොඳයි.මාසෙකින් Site එක ඉවත් කරන්නෙත් නැ.
අඩුපාඩු තියෙනම් කියන්න.මේක ලියන්න හේතු උනේ Online හෙල්ප් ගෲප් එකේ කෙනෙක් අහපු ප්‍රශ්නයක්.

Tuesday, June 28, 2011

ඔත්තුවක්

අම්මේ...හරි මහන්සියි.දවස් දෙකක් ඉස්කෝලෙ ගියාට මොනෝ නිකං ගලේ ගැහුව වගේ.මාර මහන්සියි.ඔක්කොටම වඩා උදේට නැගිටගන්න බැරි එක තමා අවුල.මේ පැත්තෙ දුවල යන්න ආවෙ පොඩි ඔත්තුවක් දෙන්න.
උ.පෙ. ට ඉස්කෝලෙ පටන් ගන්න දවසෙ අපට තිබ්බ පොඩි ලෙක්චර් එකක් විශ්ව විද්‍යාල වලට යන එක ගැන.ඇවිත් තිව්වෙ SL2COLLEGE කියන සංවිධානයෙන්.එයාල විශ්ව විද්‍යාල ශිෂ්‍ය එකමුතුවක්.ඉතින් ඔයාලටත් උසස් අධ්‍යාපනය ගැන දැනගන්න ඕන නම් පහත ලින්ක් එකට ගිහින් නොමිලේම විස්තර දැනගන්න.

http://www.sl2college.org/

තව එකක්....
සිංහල බ්ලොග් ලියන්න අලුතෙන් මම දන්න කීප දෙනෙක් සෙට් වෙලා තිබ්බා.ඉතින් ඒ ගැනත් දාන්නම්.අලුත් අයට අත දෙන එක අපේ යුතුකමක් නේ.ගිහිල්ල බලල එයාලටත් සපෝර්ට් එකක් දෙන්න.

1. ආගංතුකයා - මේ අපේ ඉස්කෝලෙ අයිය කෙනෙක්.ගම ගාල්ලේ.දක්ශ මීටරයක්.ආතල් පොරක්.බ්ලොග් ලියන්න අලුත්.ගිහිල්ලම බලන්නකෝ.

2. තල් අරණ - අපෙ අම්මගෙ යාලුවෙක්ගෙ දූ.[පල පල.අක්ක කෙනෙක් ඩෝ.] අද වෙනකොට නම් පෝස්ට් දෙකයි ලියල තියෙන්නෙ.මේකටත් ගිහින් බලන්න.

එහෙනම් ආයි දවසක ලියන්න එන්නම්කෝ.

Saturday, June 25, 2011

කඩේ කට්ටිය BACK 2 SCHOOL



කෝපි කඩේ කට්ටියත් ඉස්කෝලෙ යන සෙට් එකක් [කිව්වට 5 දෙනාගෙන් 3 දෙනෙක්.]එකතු වෙලා කරන එකක් කියල කට්ටිය දන්නව ඇතිනේ?හෝව් හෝව් කට්ටිය කිව්වට 5 දෙනාගෙන් 3 දෙනෙක්ම ඉස්කෝලෙ යන,එකම වයසෙ සෙට් එකක්.ඉතින් කොහොම හරි මේ තුන් දෙනාම 2013 උසස් පෙළ කරන අය.
ඉතින් දැන් දැන් වෙනකොට ඉස්කෝල පටන්ගෙන 3 දෙනාගෙම.
මම ගාල්ල රිච්මන්ඩ් එකේ
එක්කෙනෙක් කොළඹ විශාඛා
අනිත් එක්කෙනා කොළඹ DS එකේ
ඉතින් 3 දෙනාම දැන් බිසී.සෝ ඉතින් ලියන ලිවිල්ල අඩු වේවි.
ඒ උනාට අනිත් දෙන්න ලියාවි උපරිමෙන්ම.
එක්කෙනෙක් ගාල්ලෙ අයිය කෙනෙක්.ගුවන් යානා මෙහෙයුම් ගැන ඉගෙනගන්නව
අනිත් එක්කෙනා අක්ක කෙනෙක්.විශ්ව විද්‍යාලෙ ඉගෙන ගන්න.
කොහොම උනත් අපි හදන කෝපි බොන්න දිගටම සෙට් වෙන්නකෝ.

Thursday, June 16, 2011

වැද්දූව ආරණ්‍යය

පොසොන් පෝයට පස්සෙන්ද පොසොන් ගැන මොකක් ලියන්නද?නේද?එහෙමම නැ.මම කියන්න යන්නෙ ලස්සන පන්සලක් ගැන.පන්සලක් කිව්වට ආරණ්‍යයයක්.ලස්සන තැනක්.දිගටම කියවලා බලන්නකෝ...
මේපාර වෙසක් එකට ඉස්සෙල්ල පාර වගේ පිස්සු නටන්න වුනේ නැ.ගියපාර විභාග කටේ තියාගෙන පිස්සු නැටුවෙ.මේපාර නිකම්ම වගේ ගෙවුනෙ.
ට්‍රැක් පනිනව වගේ නිසා ඔන්න ආයි ට්‍රක් එකට ආව.
කොහොමිං හරි මං තුමා ගමේ පන්සලට ගොහින් කෙල්ල බලාගන්න වැඩේ කොට උඩ යන්න ම වැඩේ සිට් උනා.මේ කියන ආරණ්‍යයට යන ගමන නිසා.
පිහිටලා තියෙන්නේ කොග්ගල ගුවන් හමුදා කඳවුර මායිමේ.ලස්සන ප්ලේස් එකක.කොග්ගල වැව අසබඩ.
ලස්සන බලල ඉන්නකෝ...




කැමති කෙනෙක්ට ගිහින් වන්දනා මාන කරගෙන එන්න පුලුවන්.හැබැයි මමනම් හිතන්නේ පෝය නැති දවසක ඒ පන්සලට ගිහින් එන්න කියල.ඔන්න මම මැප් එකේ ප්ලේස් එක මාක් කරන්නම්.ඕනනම් හරියටම බලාගන්නකෝ.

Wednesday, June 15, 2011

ඩෙංගු මාරාන්තිකයි.



කාලෙකට පස්සෙ තමා මේ පැත්තෙ ආවෙ.ඔන්න ඉතින් ආපු එකේ මේ දවස් වල වැඩිපුර කතා වෙන දෙයක් ගැන ලියන්න හිතුන.ඒත් ඩෙංගු ගැන දැම්මට ලියන්නෙ ඩෙංගු හැදිල වෙච්ච කරදරයක් ගැන.
මගේ හොඳම යාලුවෙකුටයි උගේ අයියටයි දෙන්නටම ඩෙංගු හැදිල කොළඹ ජාතික රෝහලේ හිටියෙ.ඉතින් ඌ admit කරල දවස් 2ට විතර පස්සෙ මමයි තව කොළඹ එකේ යාලුවෙකුයි තමා දෙන්න ගාව නවතින්න ගියේ.
ඉතින් රෑ ඌ ගාව නවතින්න ආවට අපි දෙන්න පන බයේ තමා හිටියෙ.මොකද මදුරුවෙක් ඇවිල්ල කෙටුව නම් අපිත් ගස් නිසා.ඉතින් අපි එදා ගියේ ලෙඩ්ඩු බලන එකේ තමයි.ඒ වෙලාවෙ තමයි මේ සීන් එක වුනේ.
උන්ගෙ අක්ක කෙනෙක් ඒ නිස මරුවෙන් මරුවට මල්ලිල දෙන්න ගාවට ඇවිල්ල උන් දෙන්නගෙ දුක සැප අහනව.අක්ක ටිකක් බය වෙලා වගේ හිට්යෙ මොකද දෙන්නගෙම රුධිරාණු අඩු වෙච්ච නිසා.
අයියගෙ නම් විසිපන්දාස් ගානක තිබ්බෙ අරූට තිස්දෙදාස් ගානක් තිබ්බෙ.ඉතින් අක්ක දෙන්න ගාවට මාරුවෙන් මාරුවට යන නිසා අක්ක ටිකක් සිහිය නෑ වගේ.
මොකද එක පාරක් පර්ස් එක දාල ගියා.අනෙක් ලෙඩාගෙ මේසෙ උඩ ඔය විදියටම ෆෝන් එකත් අමතක කරල දාල ගිහින්. ඒ ඇඳේ ඉන්න ලෙඩා අපෙන් ඇහුව මේ ෆෝන් එක ඔයාලගෙද කියල.අපි නෑ කිව්ව.ඒත් අපේ යාලුව කිව්ව මචං ඕක අපේ අක්කගෙද දන්නෙ නෑ කියල.
ඔය වෙලාවෙම එතනට ආපු ඩයල් එකක් ආ මේ තියෙන්නෙ මගේ ෆෝන් එක කියල සාක්කුවෙ දාගෙන ගියා.මම ඒ වෙලාවෙම අක්කගෙන් ඇහුව අක්කෙ ඔයාගෙ ෆෝන් එක තියෙයිද කියල පොඩ්ඩක් බලන්න කියල.අක්ක එ වෙලාවෙම බලල කිව්ව අනේ නෑ මල්ලි ඒක නෑනෙ කියල.
එතකොටම අපේ යාලුවට එකක් ගන්න කියල මමයි අනිත් යාලුවයි ගියා අර ඩයල් එක ගාවට.මිනිහ ලෙඩෙක් බලාගන්න දාපු එකෙක්.දැන් ෆෝන් එක රින්ග් වෙන කොට මිනිහ ෆෝන් එක අතට ගත්ත.අපි දෙන්න ටක් ගාල එතනට ගිහින් ඔය ෆෝන් එක ඔයාගෙද ඇහුව.මිනිහ ඔව් කිව්ව.
අපි කිව්ව ඕක ඔයාගෙ නෙවෙයි ඔය දැන් ආපු එක ඔයා දන්නෙ නෑ නේද කියල.මිනිහ අපි දෙන්නගෙ මූණ දිහා බලගෙන හිටිය.අපෙ ලෙඩ වුන යාලුව ආපහු රින්ග් කරා.අක්ක වෙලාවට එතනට ආව.අක්ක කිව්ව මේ බලන්න මං මේ චූටි මල්ලි කියල දාල තියෙන්නෙ මේක මගේ කියල.
එතකොට මිනිහ කියනව ආ එහෙනම් වෙන්න ඇති නෝන මගෙත් ෆෝන් එක නැති වුනා ඒකත් මේ වගේමයි කියල.මිනිහට වැඩේ වැරදුනා කියල තේරුනා.අක්ක කිව්ව මල්ලි ඒ මනුස්සයට බනින්න එපා මේක අතුලෙ බැන ගන්න එපා කියල.ඌ ඊට පස්සෙ ශේප් එකෙ එලියට ගියා.
අපිටත් ලෙඩ්ඩු බලාගන්න ගියාම මාර වැඩ තමා වෙන්නෙ.මේක කියවන ඔයාලට වුනත් කියන්නෙ hospital  එකකට ගියාම බොහොම අවදානයෙන් ඉන්න කියල තමයි.
සමහර අයට මේ වගේ දේවල් වෙලත් ඇති.ආ තව දෙයක් අමතක වුනා.අපි දෙන්න දවස් 2ක් පිට පිට රෑ hospital තමා හිටියෙ.කියන්න කණ්ගාටුයි දවස් දෙකේම හිටියෙ එක nurse කෙනෙක් විතරයි.ඒත් ඒක ලංකාවෙ අංක එකේ ජාතික රෝහල.අව්ලක් නෑ මේක ලංකාව නිසා.

Monday, June 13, 2011

මෙහෙමත් ආතල් එකක්

සෑහෙන කාලෙකට පස්සේ කෝපි කඩේට ලිපියක් ලියන්න කියලා ආවා.කස්ටියට මාව අමකත වෙලාද දන්නෙත් නැහ්.බට් ඉතින් කමක් නැහ්.මං කෙලින්ම කතාවට බහින්නම්. මං හිතනව ඔයාලා හැමෝම Austria ගැන දන්නවා ඇති කියල. මෙ අරුම පුදුම රටේ තියන පට්ට ප්ලේස් එකක් ගැන තමා දැන් කියන්න යන්නෙහ්.මාත් මේ තැනට යන්න සෑහෙන්න හීන මව්ව, ඒත් එච්චර ලොකු පිනක් මං ගිය ආත්මෙ කරගෙන නැහ්.
ලංකාවෙත් මේ වගේ තැනක් තිබ්බනම් මුලු ලංකාවෙම ඉන්න පොරවල් එක්කො බයානක අපරාද කාරයො වෙනවා, නැත්තන් දේශපාලකයො වෙනවා. මොකද, ඒ වගෙ අයට තමා මෙ සුපිරි පොට් එක හදල තියෙන්නේ Austria වල,තැන මොකක්ද කියල අන්තිමට කියන්නන් පුලුවන් නම් ඊට කලින් ගෙස් කරගන්න. දැනටමත් ගෙස් කරල ඇති  ඔන්න බලගන්නකොz

































                            

Thursday, June 9, 2011

මලක් නම් මා...


මලක් වි පිපී
පරවෙන්නට වේ නම්
අද හෙට
කුමට පිපෙන්නේ මං
නුඹ නැති ලෝකයක...

එහෙව් ලෝකයක
තනිවී
ඉකි බිදිනා සිතට
සැනසුම
කවුරු කවදා ගෙනේවිද.....

නුඹ සිටියා නම්
සැනසෙම මම
යන්න නුඹ
නමුත්
ආයෙත් එන්න
නුඹට අවැසි දිනක...


Monday, June 6, 2011

මගේ අලුත් එක්කෙනා.....

ආ...ආව නේද මගේ අලුත් එක්කෙනා බලන්න?එහෙනම් ඔන්න එයාව බලන්න කලින් පහල ටික කියවන්න වෙයි..හොඳම දේ අන්තිමටම දාන්නම් කෝ.
කොට ජීවිතේ අක්කත් ෆෝන් එකක් අරගෙන...හ්ම්ම්...නිකන් නෙවේ නේ..සත 50ක විතර නෝන්ඩියකුත් හම්බෙලා..අපේ අයත් දැන් ටිකක් ටිකක් ෆෝන් ගැන ෆෝම් වෙච්ච වෙලේ මමත් කියන්න හැදුවේ මගේ අලුත් එක්කෙනා ගැන....
අලුත් කෙල්ලෙක් බලන්න ආවනම් ඔන්න හුළං තමා හොඳේ...
මට ෆෝන් උණක් තියෙනවනේ.එහෙව් එක තිබිච්ච ෆෝන් එක විකිණුව.විකුණල ගත්ත නොකිය ටච් එකක්....
මේ තියෙන්නේ ඒ ෆෝන් එකේ මොඩල් එකක්...

කොලුව නම් ඕක ගත්ත කිව්වට ගෙන්න ගත්ත.ඇමෙරිකාවෙ ඉඳන් මගේ පිට් එකක් ආව.පොර අතේ තමා ගෙන්න ගත්තේ.
ෆෝන් එකේ මොඩල් එක නම් නොකියා 5230.5800 එක තරම්ම පැසිලිටීස් නැතත් අවුලක් නැතුව වැඩ කරන්න පුලුවන්.ටච් උනත් අව්ලක් නැ.3.5 මිමි ජැක් පෝට් එකකුත් තියේ.සවුන්ඩ්ස් හොඳයි.ඩිස්ප්ලේ සයිස් එක 360*640 වගේම මිලියන 16ක් වර්ණ තියේ...[ආඩම්බර නැතෙයි නේ? හික් හික්...]
ම්ම්...මම කිව්වනේ ගත්තෙ යූ ඇස් ඒ වලින් කියලා සෝ ඉතින් මටනම් ඒකෙන් වාසි ගානක් සම්බ උනා නෙව...
මගේ ෆෝන් එක හදල තියෙන්නේ මෙක්සිකෝවේ.[සෝ ඉතින් චයිනිස් එක නෙවේ...]
විකුණපු එකාට වැරදිලාද මන්ද ගි.බ.4ක චිප් එකකුත් එවල තිබුන.
ඩේට කේබල් එක හම්බුනා.
ඊට අමතරව කාර් ෆෝන් රඳවනය හම්බ උනා.....
සෝ ඉතින් ලාබයි නේ?





මම මගේ ඉස්සෙල්ල තිබිච්ච ෆෝන් එකක් එක්ක කම්පෙයාර් කරපු වෙලේ ආපු පේජ් එක මෙන්න.කැමතිනම් බලන්න.
එහෙනම් අපි කැපුනා....[ආහ් අමතක උනා..මේක ගන්න ආස අය ඉන්නවනම් මේ කියන්නෙ.මම මෙකේ චයිනීස් එක දැක්කා.ගාල්ලෙ තැනක.ගාන කිව්වෙ නම් 19000කට රු 100 ක් අඩු ගානක්.{ඔව් ඔව් 19000-100= කීයද කියල මම දන්නැ.}]

Monday, May 30, 2011

"බුදු හාමුදුරුවො වැඩියා වාගෙ"


ගොඩ කාලෙකින් කෝපි කඩේට කතාවක් ලිව්වෙ නෑනෙ.මගෙ බ්ලොග් එක අප්ඩේට් කලෙත් මේ ඊයෙ.අනේ මන්දා ලියන්න දේවල් හිතට ආවෙ නෑ.කොහොමින් හරි ඒ කතාව පැත්තකින් තියමුකෝ..මන් ආස කරන සින්දුවක් ගැන ලියන්නයි හදන්නෙ.ම්ම්..සින්දුව තමා සනත් නන්දසිරි මහතා ගායනය කරන බුදු හාමුදුරුවො වැඩියා වාගෙයි කියන සින්දුව..අම්මා කෙනෙක් ගෙ ආදරේ වගේම තමන් කල වැරදි ගැන පසුතැවෙන පුතෙකුගේ කවි සිතුවිල්ලක් වගේ..හිතට දැනෙන සින්දුවක්.මේක ගැන ලියන්න කියලා අදහස දුන්නෙ මගෙ ලඟින්ම ඉන්න මන් ගොඩාක් ගරු කරන අයියා කෙනෙක්.


"බුදු හාමුදුරුවො වැඩියා වාගෙයි පින්බර ස්වාමිනේ
දුක හිතිලද හිර ගෙදරට වැඩියේ මාගෙ මරණ දිනේ
මගෙ අම්මා වත් දොර‍ටුව අද්දර හිටියද කියනු මැනේ
මා ගෙලලූ බව ඇයට කියනවද බුදු බව ලැබෙයි අනේ

අනේ ස්වාමිනි මා ගෙල ලන්නට ඉඩ නම් දෙන්න එපා
ගෙලවැලලූවොත් මගෙ මළ කඳ අම්මට පෙන්නන්න එපා
ඇතිදා ලඟ උන් මිතුරන් මතු සසරෙදි හමු වෙන්න එපා
නැති දා ලඟ උන් බුදු අම්මේ නුඹ දුක් ගිනි ගන්න එපා

බුදු හාමුදුරුවො....

නොදැන කෙරූවත් වරද වරදමයි නැත කිසි දිනක සමා
මරණයෙ දොරකඩ සිට ඔබ පා යුග සිඹ සමු ගනිමි මෙමා
කෙලිලොල් කම් කෙරු මා සතු දිවිමග දැන් දැන් වේවි නිමා
මරණ බයක් නෑ අම්ම සිහිවෙයි........................................

බුදු හාමුදුරුවො වැඩියා වාගෙ පින්බර ස්වාමිනේ
දුක හිතිලයි මා හිරගෙට ආවෙ පුතුගේ මරණ දිනේ
දුදනන් ඇසුරින් පරපණ නැසුවත් නුඹ මගෙ පුතුය අනේ
මතු උපදින දා මගෙම පුතු වෙයන් හොඳ මිනිසකු ලෙසිනේ.."


වැරදි යාලුවො නිසා තවත් කෙනෙක් ගෙ දිවි උදුරගත්ත පුතෙක් මරණ දඬුවම විදින්නට මොහොතකට පෙර වැඩම කල ස්වාමින් වහන්සේ කෙනෙකු අබියස වැඳ වැටෙන හැටිත් අම්මා කෙනෙක් ගෙ අපිරිමිත දාරක ප්‍රේමයත් හිත තුල සිත්තම් කරන්නට මේ පද පෙල සමත්..පුතු තමන්ගෙ වැරදි ගැන පසුතැවුනත් ඒ වැරදි හදාගන්නට ඔහුට ඉඩක් නැහැ,මතු බවයෙ වැරදි යහලුවන් නම් ලැබෙන්න එපා කියලා ඔහු ප්‍රාර්ථනා කරනවා.මේ සිදුවීම ඇත්තටම අපේ සමාජයේ දකින්න පුලුවන් නේද?වැරදි යාලුවො නිසා අදටත් මහ උලු ගෙදර තනි වෙලා ඉන්න අය කී දෙනෙක් නම් ඇත්ද?ඒ අය වටා හිටිය යහලුවන් යැයි කියාගත්තවුන් අතහැර යද්දි අම්මා ඒ දරුවට ආදරේ කරන හැටි හරි පුදුමයි.කොයිතරම් බැන්නත් ගැහුවත් පුතෙක් වැරදි කලත් අම්මා කෙනෙක් ඒ දරුවව අත් හරින්නෙ නෑ,ඒ කතාත් මේ පැදි පෙලේ අවසානය වගෙමයි..

"දුදනන් ඇසුරින් පරපණ නැසුවත් නුඹ මගෙ පුතුය අනේ
මතු උපදින දා මගෙම පුතු වෙයන් හොඳ මිනිසකු ලෙසිනේ."

මොන වැ‍රැද්ද කලත් අම්ම කෙනෙක් තමන්ගෙ දරුවව අත අරින්නෙ නැහැ..ඒ නිසාම ගොඩාක් ප්‍රශ්න වලදි මං අඬා වැටෙන්නෙ අම්මා ගාව..ඒ වගේම තවත් කෙනෙක් ගෙ ලේ තමන්ගෙ අත්වල ගාව ගන්න තරම් නපුරු උන මේ පුතා අම්මගෙ සෙනෙහසට ආදරේ කරන හැටි?කොයි සෙනෙහසටද පුලුවන් ඒ තරම් නපුරු වුන තද හිතක් අඬවන්න.අම්මගෙ සෙනෙහසට විතරමයි..මරණයට බය නැති උනත් මේ ලෝකෙන් මිදෙන්න බැරි එකම බැම්ම අම්මගෙ ආදරේ..ඇසට කඳුලක් එක්කරන රූප රචනයකින්ද මේ ගීතය පොහොසත්.(පසු කාලීනව නිපැදවූ රූප රචනයක් විය යුතුයි)..මේ ගීතය රසවිඳපු මේ ගීයට ආදරේ කරන ගොඩාක් අය ඇති..ඉතින් ඒ අය වෙනුවෙනුත් නොබලපු කෙනෙක් ඉන්නව නම් ඒ අය වෙනුවෙනුත් තමා මේ ලිපිය ලිව්වෙ.මට විස්වාශයි ගොඩ දෙනෙක් මේ ගීතයට ආදරේ කරාවි.

Wednesday, May 25, 2011

සිහින හොරු අරං...


මං මේ කියන්නෙ නම් ඇත්තටම වුණ දෙයක්. මීට සති 2කට 3කට කලින් අපෙ කැම්පස් 1කේ. මං ඉන්නෙ කොළඹින් ගොඩක් ඈත තියෙන කැම්පස් එහෙක. දෙවන වසරේ තමයි මං ඉගෙන ගන්නෙ. කොළඹින් දුර පිහිටි නිසා ද කොහෙද මේකෙවෙන දේවල් බොහෝ අය දන්නෙ නෑ. ඒක නිසා මං වුණ පොඩි කතාවක් කියන්නම්.
කවුරුත් දන්නවනෙ, ඕනම කැම්පස් එහෙක අලුතින් එන පොඩිවුන් ටිකට ඒ කැම්පස් එකෙ අයියල අක්කලා ටික Night 1 ක් දෙනව කියලා. ඒකට කියන්නෙ Freshers Night ඉතින් ගිය පාර ආපු පොඩිවුන් ටිකව පිළිගන්න තිබුනෙ අපිට.
පොඩි එවුන් එන්න මාසයකටත් කලින් විතර තමයි අපි මේකට සූදානම් වුනේ. මොකද දැන් කාලේ හැටියට night 1 ක් දෙනවා කියන්නෙ ලේසි පහසු වැඩක් නෙමෙයිනේ.
අපි ගොඩක් අමාරුවෙන් තමයි සල්ලි හෙව්වේ. නුවර වැව වටේ රවුම් කීයක් යන්න ඇද්ද.... අනුරාධපුරේ නොගිය කඩයක් නැතුව ඇති ඇඩ්ස් හොයලා.
මේ රාත්‍රියට ආධාර පිණිස අපි නාටයකුත් පෙන්නන්න හැදුවා. ඒත් අපෙ අවාසනාවකට අපිට ඒක පෙන්නගන්න බැරිවුණා. මොකද නාටය පෙන්නන්න ඔන්න මෙන්න කියල තියල කැම්පස් එකේ ඉහල පු‍ටු කියුවා මේ නාටය පෙන්නන්න දෙන්න බෑ කියල.
අපිත් හරිම ආසාවෙන් හිටියෙ මේ නාටය බලන්න. ටිකට් ගත්ත මිනිස්සුත් ඇවිල්ලා පාරේ හිටගෙන ඉන්නවා. ඇත්තටම නාටය කණ්ඩායමත් ඇවිත් කොළඹ ඉදලා. දැන් කොහොමද මේ අයව ආපහු හරවල යවන්නේ. ඉතින් අපි හැමෝම එකතුවෙල මේ ගැන ලොකු පු‍ටුවලට කියුවා. එත් අපෙ හිත්පිත් නැති පු‍ටුවලට ළමයින්ගෙ හැගීම් තේරුනේ නෑ. එයාලා කියුවෙ ඉහලින් ආපු නියෝග කියල.
ඉතින් දැන් මොකද කරන්නේ...... අපේ සහෝදරයො කොහොම හරි මේ මිනිස්සුන්ව පිටත් කරල ඇරියා. ඒ අය හිතනව ඇති අපි නාටයක් පෙන්නනව කියල ටිකට් ගහලා ඒ අයගෙන් සල්ලි අරගත්තා කියලා. මොනව වුනත් ඒ ආපු නාටය කණඩායමට සල්ලි දෙන්නත් ඕනනේ...
මොනව වුනත් මේ වුනදේ කොහොමද ඉවසන්නේ..... අපේ සහෝදරයො වැඩේ අත ඇරියෙ නෑ. හැබැයි වඩේ ටිකක් දුරදිග ගියා. ඒ ගැනනම් මං වැඩිය කියන්න කැමති නෑ.
ඉතින් කොහොම කොහොම හරි කාලය ගෙවිලා ගියා. ඒත් අපිට දුකයි අපේ පොඩිවුන් ටිකව පිළිගන්න බැරිවුන එකට. මොනව වුනත් මේ විදියට night 1ක් දෙන එක අපේ කැම්පස් එකේ සම්ප්‍රදායක්. ඉතින් අපි ආයෙමත් කතාකරගත්තා කොහොම හරි සල්ලි හොයාගෙන මේ පොඩිවුන් ටිකට සතු‍ටුවෙන්න අවස්ථවක් ලබලදෙන්න. මොකද අපිත් ආපු මුල්ම දවස්වල අපෙ අයියල අක්කලත් මේ විදියටම night 1ක් දීලා අපිව පිළිගත්තනේ. අපි ලබපු අත්දැකීම් අපෙ පොඩිවුන් ටිකත් දෙන එක අපේ යුතුකමක්නෙ...
මේ පාරත් අපි කොහොම කොහොම හරි සල්ලි හොයාගත්තා. ඒ සල්ලි අපි වියදම්කරල ආරාධනා පත්‍ර, පින්තූරගන්න ලස්සන පසුබිම් තව ගොඩක් දේවල් අපේ අතින්ම අපි නිර්මාණයකරා. කිසිම දෙයක් එක එක තැන්වලට කියල නෙමේ, අපේ අතින්ම සෙනසුරාද ඉරිදා දිවා රෑ කියල බලන්නෙ නැතුව අපේ ශ්‍රවනාගාරය විතරක් නෙමේ එ අවට හැමතැනම සැරසුවා. කන්න බොන්නයි, සංගීත කණ්ඩායමයි විතරයි අපි පිටින් ගේන්න සැලසුම් කරල තිබුනේ............ ඒ විතරක් ද night 1ක් එකක් වුනාම ලස්සනට අදින්නත් ඕනනෙ. ඉතින් ළග ඉන්න ගැහැණු ළමයිවගේම ගොඩක් ඈත ඉන්න ළමයිනුත් ලස්සන ලස්සන සාරි , ඒවට හරියන පාට පාට ආභරණත් ගෙනැල්ල යන්න සූදානම් වෙලයි තිබුනෙ.
ඉතින් අපි ඒ හීන දැකපු දවස උදාවුනා. කට්ටියම හරිහරියට ලෑස්තිවෙනව යන්න. සාරියක් පටලවගන්නව කියන එකත් ලේසි වැඩක් නෙමෙයිනේ. මොකද අපි හැමදාම සාරි අදින මිනිස්සුයැ........... 4.30ට විතර හැමෝම ගියා. අපේ සහෝදරයො ටිකත් ෆුල් කිට මරල ඇවිත් ඉන්නව මාරම ගති. සංගීත කණ්ඩායමත් ඇවිත් සූදානම් වෙනව.
අපිටවත් හිතාගන්න බැරිවුණා මේ අපේ faculty 1 මද කියලා. මොකද ඒ තරමටම ලස්සනයි.
හරියටම කොළඹ හෝටලයක් වගේ. මේ හැමදෙයක්ම අපේ අතින්ම කරපුව නේද කියල මතක්වෙනකොට ඊට
වඩා සතු‍ටුයි.
දැන් හැමෝම රවුම් රවුම් හැදිල කතාකරනව. මේ අතර අපිට පෙනුනා පොඩි කලබලයක් වගේ.
සහෝදරවරු ඉන්නෙ හරිම කලබලෙන්. ඉතින් අපි බැලුව මොකද මේ කියල. ඔය අතරෙ අපිට ආරංචියක් ආවා
අද නෑ, හැමොම ආපහු hostel යන්න කියල. අපි කාගෙ හරි විහිලුවක් කියල වැඩිය ගනන්ගත්තෙ නෑ
එක පාරටම light off වුණා. දැන් හැමෝම යන්න. ඒතමයි අපිට ඇහුන දේ. අපිට මාරම දුකයි. ඊටත් වඩා පුදුමයි.
මේ හැමදේම දාලා එක පාරටම යන්නෙ කොහොමද... ළමයිගෙ phoneවල එළියෙන් තමයි අපි හැමෝම අයෙම
ආවෙ.
ඊට පස්සෙ වුණ දේවල් මං ඇත්තටම කියන්න කැමති නෑ. මොකද ඒ ගැන මතක්කරන්නවත් මං කැමති
නෑ. අපි හැමොම ඇඩුව. හැමෝගෙම ඇස්වල කදුළු.
අපේ ඒ හීනෙත් එළිවෙන්න ඔන්න මෙන්න තියල නැතිවෙල ගියා. සති අන්තයේ මට පන්තියක් තිබුන
නිසාත් Party කියන සංකල්පයට මං පෞදිගලිකව වැඩිය කැමති නැති නිසාත් මං ඒකට සහභාගිවුනේ නම් නෑ.
ඒත් මේ විදියට අපේ හීන බිදල දාන එක කොයිතරම් නම් සාධාරණද.........

කරලියට වැඩි අලුත්ම රජ කුමරා

කොපි කඩේ අපේ කස්ටිය එක එක මාතෘකා ගැන එක එක සීන් දැම්මනේ.අද මං පොඩ්ඩක් ට්‍රැක් එක පැන්නා.වාහන වලට ආස අයට ඔන්න මේ පෝස්ට් එක ලියන්නේ .අනිත් අයත් කියවන්න සමහර වෙලවට මේක කියෝලා කලන්තෙ එහෙම දායි.


දවස් වල නම් අපේ ලංකාවෙ මිනිස්සුන්ට බඩගින්නට කාර් කාපල්ලා කියලා කාර් වල වැට් ද මොකක්ද එක අයින් කරල තිබ්බනේ. ඉතින් ඔන්න දැන්නම් ආයි ඒකට වැඩේ සරි.ඒත් ඉතින් ඔයාලට පුලුවන් නම් ගන්න.
කාර් ලෝකයේ ඉන්න ආඩම්බරකාරය, ඒ වගේම ඩීසන් ගනංකාරයා තමා මෙයා.ගරු සරු ඇතුව කියනවනන් බෙන්ස් (BENZ)පවුලේ අලුත්ම පුත් රුවන Mercedes-Benz S-Class ගැන පොඩ්ඩක් කියන්නම්. බලන්නකො මෙයාගෙ වැඩ කිඩ.
                                                                                                              ජර්මනියේ ඉපදුන මේ කොල්ලගෙ නමේ තේරුම තමා "විශේෂ පන්තිය" කියන එක.ජර්මන් වලින් කියනවනම් "Sonderklasse". මේ හැඩකාරයගෙ තියන විසේසම ගුය වෙන්නෙ මෙයා අතිසයින්ම පරිසර හිතකාමි රථයක් වීමයි.තේරෙන්න කියනවනම් මේක Eco Friendly වාහනයක්.URO 5 කියන සුවිශේශි තාක්ශණයට නිපදවල තියන මේ කාර් රාජයගෙ පහසුකම් දිහා බැලුවම මේකෙ මොනවද නැත්තෙ කියලා හිතෙන තරම්.ABS බ්‍රේක් පද්ධතිය ,ඉදිරිපස හා පිටුපස වා බැලූන 16 ක් ,අධි ප්‍රබල හැලජන් ලාම්පු,ඝර්ශනය අවම කරවන anti fiction system,රිය පදවන ගමන් රයේ සියලුම කොටස් පාලනය කල හැකි tip tronic system,leather seats with intelligent temp controllers,surround sounds වගේ එකි නොකී මෙකී හැම දෙයක්ම මේකෙ තියනව .




වැට් බද්දෙ ගැස් බැහැපු කාලෙ මෙයාගෙ ගාන මිලියන 35-40ක් විතර උනා.එත් දැන් වැට් වලට පින් සිද්ධ වෙන්න මෙයා මිලියන 55 ක් විතර වෙනවා. ලංකාවෙ ගෙන්වා බෙදාහරින්නේ කොළඹ12 ජේතවන මාවතේ පිහිටි ඩිමෝ ආයතනය විසින්.ඉතින් ඔයාලත් ට්‍රයි කරල බලන්න මෙයාගෙ ගාම්හීර අයිතිකාරයෙක් වෙන්න.

Tuesday, May 24, 2011

ඇස් පනාපිට කෙල්ලෙක් කාඩ් එක කා ගත්තා ය.

කෙල්ලො...හැමදාම ඇහෙන කියවෙන වචනයක්....කෙල්ලොත් හරියට වීදුරු වගේ ලු...ඉක්මනට බිඳෙන සුළුයි....
හ්ම්ම්...ඒක ඇත්ත..ඒ මේ සංස්කෘතිය එක්ක තව තවත් පිම්බිච්ච,සමාජෙ මුල් බැහැගත්ත කතාවක්...
ලංකාවෙ සංස්කෘතියත් එක්ක කෙල්ලෙක්ගෙ, එහෙමත් නැත්නම් ගැණියෙක්ගෙ චරිතය ගොඩාක්ම සොයනව.ඒ හේතුවෙන්ම ඒ කාන්තාවට තමාගේ චරිතය රැකගන්න වෙන එක කියන්න ඕනෙ නැ නේ.
වහින් ඔරෝ නැතුව සිද්ධිය කියන්නම්...
මේක වුනේ අද.මම බස් එකේ එද්දි....අපේ වයසෙම කෙල්ලෙක්..තව යාලුවො එක්ක.ඒ කෙල්ල මම දන්න තරමින් මීටරයක්.චරිතෙත් දන්න තරමින් හොඳයි.කොල්ලෙක් එහෙම ඉන්න බවක් දන්නෙ නැ.
අපේ වයසෙම කොල්ලෙක් ටික වෙලාවකින් ගිහින් ඒ කෙල්ල එක්ක කතා කර කර හිටිය.කෙල්ලත් හිනා වෙවී හිටිය.මොනව කිව්වද කියන්න මම දන්නෙ නැ.කොල්ල ටික දුරකින් බැහැල ගියා.ඊට පස්සෙ බස් එකේ පිටිපස්සෙ කතා වෙච්ච ටික තමා මට මේක ලියන්න හේතු සාධකේ උනේ.
පිටිපස්සෙ කතා උනේ
"අඩේ බං බලපංකෝ බඩුව වගේ.බලහන් හිටපු හැටි.නිකං දාගෙන වගේ නේ" 
වගේ කතා ටිකක්...
ඉතින් ඒ සිද්ධිය නිසා ඒ කෙල්ලගේ චරිතෙට පොඩි හරි මඩක් ගැවුනා කියල මට හිතුන.මොකද කෙල්ලොන්ගෙ චරිතෙ මේ ලංකාව වගේ පරිසරයක් එක්ක ගොඩාක් සොයන බලන නිසා.ඒ වගේම කොල්ලොන්ගෙ චරිතෙ සොයන්නෙ නැති එක ගැනත් එක්ක බැලුවහම අන්තිමට කොල්ලො කරන ඕන වැඩකට විඳවන්න වෙන්නෙ කෙල්ලොන්ට කියලත් හිතෙනව.
මේ වගේ වැඩවලට ඇඟිල්ල දික් කරන්න ඕන කාටද කියන්න මම දන්නෙ නැ.අර කොල්ලටද?කෙල්ලට ද?නැත්නම් අර කතාව කියපු අයට ද?එහෙමත් නැත්නම් සමාජයටම ද?සංස්කෘතියට ද?
හැබැයි මම දකින විදියට කෙල්ලො කොල්ලො කතා කරන්න ඕනෙ.ආශ්‍රය කරන්න ඕනේ.ඒ උනාට සම්බන්ධතා හෝ සාමාන්‍ය ආශ්‍රය කිරීම් නිසා කොච්චර කෙල්ලො [වගේම කොල්ලොත්]චාටර් වෙලා ඇද්ද?කෙල්ලො කී දෙනෙක්ගෙ ජීවිත නැති වෙලා ඇද්ද?
ඒ වගේම කොල්ලෙක් එක්ක කතා කර කර ගියා කියල කෙල්ලො කීදෙනෙක්ට ගෙදරින් සැලකිලි හම්බෙලා ඇත්ද? 
කොල්ලෙක් කෙල්ලෙක් එහෙමත් නැත්නම් කෙල්ලෙක් කොල්ලෙක් ආශ්‍රය කරන එක ඇයි මෙච්චර වැරදි?කොල්ලොන්ට ඉන්න ඕනෙ යාලුවොත් කොල්ලොම විතරද?කෙල්ලොන්ට ඉන්න ඕනෙ යාලුවො කෙල්ලොම විතරද?අපේ සමාජෙට අනුවනම් එහෙමයි.
ඒ කියන්නෙ මගුල් පෝරුවට නගින්නත් ඕනෙ තමන්ගෙ වර්ගෙ එකෙක් එක්කද?අනේ මන්ද...
පිරිමි කරන කැත වැඩ නිසාත් ඒ වගේම ගැණු කී දෙනෙක් අසරණ වෙලා ඇත්ද?අන්තිමට ඇඟිල්ල දික් වෙන්නෙත් ඒ ගැණිටම නේද?
හැබැයි මේ තත්ව වලින් එක හොඳක් තියෙනව කියලත් හිතෙනව.මොකද කිව්වොත් මම දන්න තරමින් ඇමෙරිකාවෙ එහෙම සංස්කෘතිය ඉතාම පහළට වැටිල.ඒ අතින් අපේ රටවල් හොඳයි.ඒ වගේ රටවල් වල සංස්කෘතිය බලු උනාට අපේ රටවල් වල එහෙම නැහැ තවමත්....
අනිත් පැත්තෙන් සංස්කෘතිය හෝ සමාජය නිසා මේ වගේ ප්‍රශ්න කොච්චර ඇති වෙලා ඇත්ද?කෙනෙක්ට තමාගේ විරුද්ධ ලිංගිකයන්ව ආශය[මිතුරන් ලෙස] කරන්න බැරි වීම නිසා හැඟීම් මත කොල්ලො කෙල්ලො කී දෙනෙක් ඒ හැඟීම් කොයි කොයි විදියට ඉශ්ට කරගන්න ඇත්ද?
පටන් ගත්තෙ කොහෙන්ද?අන්තිමට දැන් කොහෙද?ම්ම්ම් දැන් ඇති වගේ...අන්තිමට එක ඉල්ලීමක් කරන්නම්.විශේෂෙන්ම කෙල්ලොංගෙන්.තමන්ගෙ චරිතෙ ගැන හොඩක් හිතන්න.මේ සමාජය ඔයාලගේ පොඩි වැරැද්දත් ලොකු කරගෙන,ඔයාලට හිනාවෙන්න බලාගෙන ඉන්නවා.ඒක එහෙම වෙච්ච එකට මමවත්,ඔයාලවත් වැරදි නැහැ.ඒ වුනත් කොල්ලොන්ට වගේ නෙවේ.[කෙල්ලොන්ට සාපේක්ශව කොල්ලො]කොලන්ගෙ චරිතෙ කෙනෙක් හොයන්නෙම නැති ගානයි කෙල්ලෙක්ගෙ හොයනව වගේ.....කොහොම උනත් ඔයාලගේ චරිතෙ ඔයාල රැකගන්න.විශේශෙන්ම ඔයාල ඇඳුම් අඳිද්දි උනත් ඇඟ පසඟ පේන්න අඳින්නෙ නැතුව සංවරව අඳිනවනම්.අර ඇඳල මැහුවද,මහල ඇඳද වගේ කලිසම් නැතුව කලිසමේ විදියට කලිසම අඳිනවනම් ඔයලට අර "බඩුව" කියන පහත් වචනෙන් ඇමතෙන එක අඩු වේවි.පොඩි දේ ගැනත් හිතන්න.නැත්නම් මේ සමාජය ඔයාලට මොන මොන කතා හදයිද කියන එක කවුරුවත් දන්නේ නැහැ.ඔයාලත් අසරන වෙනකම් දැනෙන එකක් නැහැ....
කොල්ලොන්ටත්,තමං දකින දකින කෙල්ලව "ඇඟ ආතල්-මූණ කචල්"කෝනෙන් බලන්නෙ නැතුව සහෝදරියක් කියන කෝනෙං බලන්න.එතකොට බොහෝදුරට මේ ප්‍රශ්නෙ මග ඇරෙයි....

Monday, May 23, 2011

අපූරු පාඩමක්....

ඔන්න ඉතින් කාලෙකට පස්සෙ මොකක් හරි ලියන්න ඕනෙ කියල හිතුනා. ඒත් අන්තිමට හිත හිතා හිටියා විතරයි, ලියන්න අයිඩියා එකක් එන්නෙම නෑ.අන්තිමට වැඩේ අතාරින්න කියල හදනකොටම අපේ කැලෑසියක ගුරෙක් අපිට කියල දුන්න කතාවක් මතක් උනා.මේකෙ සත්‍ය අසත්‍ය තාවෙ නම් මං දන්නෑ. බට් ඉතින් මට තියන ලොකුම ලොකු ටිකිරි මොලේට ගෝචර වෙන විදියට නම් මේකත් ඇත්ත තමා.....
මම මේ දවස් වල අනං මනං කියවනව වැඩීලු, එ නිසා ඔය පොඩ්ඩක් ඕනෙ නැති මගුල් කියෙව්වට ගනං ගන්න එපා හොදේ. තාම ඉතින් සූටි කොල්ලනෙ.

ඔන්න එහෙනම් දැන් මගුල් කියවන එක නවත්තලා කතාව කියන්න යන්නේ කිව්වට මොකෝ, මේකත් එක විදියක මගුලක් ගැන කතාවක් ම තමා.ඔන්න එහෙනම් ස්ප්‍රයිට් එකක් බීල, අනං මනං නැතුව කෙලින්ම කතාවට බැස්සා.
ඔන්න ඉතින් එකෝමත් එක දවසක මං වගේ හරිම අහිංසක, පෙම් පාට ,සූටි ළමයෙක් එයාගෙ ටීචර් ගෙන් අහනවලු 
"ටීචර් මොකක්ද ආදරය කියන්නෙ?" කියලා.දැන් දීපන්කො උත්තර? ටීචර්ට කට උත්තර නෑලු. මොකක් උනත් මේ ගුරා ටිකක් මොලේ තියන පොරක්. ඉතින් පොර දෙන්නං ජම්බු කියල, ගත් කටටම කිව්වලු 
"ඕකට ඔයාට උත්තරයක් ඕනේ නම් යන්න ඉරිගු හේනකට, ගිහින් ලොකුම ඉරිගු කරල අරන් එන්න."
කියල. එත් එක්කම පොඩි කොන්දේසියකුත් දැම්මා,
"ඔයාට හේන හරහා යන්න පුලුවං එක පාරයි ලොකු කරල ගන්න ආපහු හැරෙන්න බෑ."
[බලපු ගමන් අමු ගොන් පාර්ට් එකක් කියල පෙනව එත් පොඩ්ඩක් කියවගෙන යනවල්ලකො..]
කොල්ලත් බැලුවලු මේවත් වැඩද? කියල. ඌත් කිසි ගින්නක් නැතුව පපුව ඉස්සරහට දාගෙන එන්ටර් උනා වැඩේට, ඉරිඟු හේනට ගිය කොල්ලා දැක්කලු එක යායට වැවිලා තියන ඉරිඟු ගස් කරල් බරවෙලා. මූ දැන් ඩිංග ඩිංග ඉස්සරහට යනකොට යකොට දැක්කා තඩි කරලක්, [මං මුලින්ම ඔයාලට කිව්වනේ මූ මං වගේ පොරක් කියල] ඉතින් එක ඌට ඒක මදි, "ඉස්සරහ තව එව්ව ඇති කියල" හිතලා ගියා ඉස්සරහට. තව කරල් හම්බුනාට මූට එවත් මදි. ඔහොම යනකොට දැන් ලොකු ලොකු කරල් ඉවර වේගෙන යනවලු. කොල්ලට දැන් පට්ට අස්පට්, මූ ඉල්ලගෙනම කෑවනෙ. දැන් ආයිත් හැරෙන්නත් බෑ නෙ. අන්තිමට කොල්ලා කරන්න දෙයක් නැතුව ගෙම්බා වගේ ආවා ගුරා ගාවට. ඇවිත් නොන්ඩි නැතුව සීන් එකත් කිව්වා.ඔන්න එතකොට ගුරා කියනවා,
''ඔන්න ආදරෙත් ඔය වගේ තමා,අපි ආදරෙදිත් හැම වෙලේම හොදම දේ හොයනවා. ඒත් අපි හොයපු නියම කෙනා මගහැරුනා".
කියල.
" තේරෙනකොට අපි පරක්කු වැඩී".
ඔන්න ඔහොම තමා ඒ ගුරා ආදරෙ අර්ථ දක්වල තියෙන්නෙ.දැන අර පොඩි එකා නෝන්ඩිය වහගන්නත් එක්ක මෙහෙම අහනවා
"එතකොට විවාහය කියන්නෙ මොකක්ද?"
කියලා.
එතකොට මාස්ටරයා මූ එක පාරකුත් ඉල්ලන් කෑවා, අයිත් ඕනෙ වෙලා කියල කියනව 
"ඉස්සල්ලා වගේම හේනට ගිහින් ලොකුම කරල අරන් එන්න කොන්දේසි අරවම තමා".
දැන් කොල්ලට ෆුල් හැපී 
"දැන් නම් ගේමක් නැනෙ" 
කියල යනව, ගිහින් අතට අහු උන පලවෙනි තඩි කරල උස්සගෙන දුවගෙන එනව ඇවිත් ගුරාට පූජා කරනවා.
ගුරත් ඉතින් කොල්ලට 2න්ඩ් වෙන්න බැරි නිසා මෙන්න මෙහෙම කියනවා
"ඔන්න ඔය වගෙ තමා විවාහයත්,මෙ කරල අරන් එනවාමයි කියලා ඔයාට ලොකු අධිශ්ඨානයක් තිබ්බා. වෙන කොච්චර සිරා කරල් තිබ්බත් මෙක ඔයාට හම්බුන හොදම දේ කියල විශ්වාස කරල ඔය මේ කරල අරන් ආවා. විවාහයත් ඔන්න ඔය වගේ තමා. කොච්චර දේවල් තිබ්බත් තමං ලබා ගත්ත කෙනා හොදම කෙනා කියලා එයත් එක්ක සතුටින් ඉන්න එක තමා."
මේක කෙතරම් දුරට සත්‍ය ද කියලා නම් මට තේරෙන්නෙ නෑ.එත් ඉතින් බලගෙන ගියාම කතාව ඇත්ත නේද??????


සැ.යු- මෙව්ව කියෙව්වට කමක් නෑ. ඔයාලගෙ ගුරාලගෙන් එහෙම අහනව නෙමේ ඕං. අන්තිමට ක අත ගගා එන්න වෙයි ගෙදර....

අලුත් කෝපි කඩේ

සයිබර් ගමේ හැමෝටම කෝපි කෝප්පයක් බොන්න දාපු කෝපි කඩේ ඔන්න අලුත් කලා.අලුතෙන් කෝපි හදන්නත් කට්ටිය ගත්තා..ඉස්සෙල්ල http://kgdilanka.blogspot.com යන ඇඩ්‍රස් එකෙන් තිබිච්ච කෝපි කඩේට අලුතෙන් ඩොමේන් එකක් අරගෙන අලුතෙන් මූණක් එහෙම දාල ඔන්න හොඳ තත්වෙකට ගත්තා.
මේ වැඩේට උදව් කරන අයටත් තැන්කිව් පාරක් දාන්න ඕනනේ...මුලින්ම ඩොමේන් එක ගන්න තැනේ ඉඳන් බ්ලොග් එකට සෙට් කරනකම්ම සපෝර්ට් එක දීපු,මගේම අයිය කෙනෙක් වගේ ඉන්න පසිඳු අයියා.ඒ වගේම ඔය උඩ තියෙන දුම් දමන්නා වූ කෝපි කෝප්පේ හදන්න සප් එක දීපු,පසිඳු අයියා නිසා අඳුර ගනිපු,මම ෆිට් එකට "ගෙම්බ" කියල කතා කරන චතුර අයියාවත් මතක් කරන්න ඕනේ...


ඒ වගේම මාත් එක්ක කෝපි කඩේ කෝපි හදන ගජං,සුවඳා,කඩේ හාමිනේ වගේම නෙත්පානි අක්කවත් මතක් කරන්න ඕනනේ...
එහෙනම් මේ පෝස්ට් එක අදට ඇති.ආ තව එකක්...ඔයාලා මගේ බ්ලොග් එක බුක් මාර්ක් කරගෙන එහෙම ඉන්නවනම් අලුත් ඩොමේන් එකට අලුතෙන් බුක් මාර්ක් කරගන්න..පරණ එකෙන් ආවත් අලුත් එකට එනවා නම් තමා...

Saturday, May 21, 2011

කෝපි කඩේ පිළිබද පුංචි අදහසක්...

මේ සිතුවිල්ල දාන මං කෝපි කඩේට අලුත් සාමාජිකයෙක්.ඇත්තටම කෝපි කඩේට විතරක් නෙමෙයි. මේ blog මාතෘකාවටත් මං අලුත්. මගේ මුල්ම ලිවීම පටන්ගත්තෙ හරියටම මේ සදුදා. එ කියන්නෙ 2011/05/16. එ මගෙ "පුංචි පුංචි සිතුවිලි" හරහා.

ඉතිං මේ කෝපි කඩේට තේකක් හදලදෙන්න කියල කුරුං ගුරුං මල්ලි මගෙන් ඊයෙ ඇහුවා. පොඩි චකිතයක් හිතේ තිබුනත් මාත් හා කියුවා. ඉතිං උදේ පාන්දරම මාත් පුංචි ලිපියක් දාන්නම්. මේ කෝපි කඩේ ගැන මට හිතුන් දේ. වැරදි අඩුපාඩු එහෙම තියෙනවනම් පෙන්වල දෙන එක ඔයගොල්ලන්නට බාරයි.

Assignment වලින්
Practical වලින්
Exam වලින්
හෙම්බත් වූ අපේ ජිවිතවලට
පුංචි හෝ සිසිලසක් එක්කර ගැනීමට
කෝපි කඩෙන් කෝපි කෝප්පයක් බොන්න
යන එන අය බොහෝ ය.
කෝපි වැඩි වුනත්
සීනි මදි වුනත්
විහිළුවෙන් තහලුවෙන් එය බෙදාගන්නේ
නොහදුනනා හදුනනා මිතුරන් සමග
ජීවිතයේ දුක සැප මිහිරි අමිහිරි
අත්දැකීම් බෙදාහදාගන්නේ
කිසිම මුදලකට මිලදීගන්න බැරි
ජීවිතයට රන් මෙන් වටින
සිතේ කොනක ඇතිවන පුංචි සතුටක් සදහා නේද.......

අර අයියගෙ මේ මල්ලිගෙ
ආදර කතා
කුණුහරුප කතා
දේශපාලන කතා
දහසක් වැඩ තියෙන අපිට
අදාල නැති වුනත්
ඒවා බෙදාහදාගෙන කියවා රසවිද
මුවගට සිනහවක් ද කැන්දා
Like එකක් Comment එකක් දාන්නේ
ඇත්තටම මේ සැමගේ අත්දැකීම්
අපේ ජිවිතේටත් යම් දුරකට හෝ
එකතුකරගන්න පුළුවන් නිසා නේද......

හිතේ කොනක හිරකරන් ඉන්න
දුක සතුට ආදරය විරහව
අනිත් අයත් සමග බෙදාගැනීමෙන්
ඇතිවන හැගීම පුංචිම වුනත්
ඒ සිතුවිල්ල අපිට හරිම වටිනව නේද....

ම්ම්ම්.....ඔන්න මට හිතුන දේ. මං දන්නෑ කොයිතරම් දුරට මං හරිද වැරදි ද කියන්න.

ආ... මට අමතකවුනානේ. මට ස්තුති කරන්න තව එක්කෙනෙක් ඉන්නව. එ තමා ගජං මල්ලී. එ මල්ලී තම මට මේ ගැන විස්තර කියුවෙ. මට අලුත් මාවතක් පෙන්වාදිම ගැන මං මල්ලිට ස්තුතිකරනවා.









Thursday, May 19, 2011

මිතුරේ.....




මා ඔබව සැබහින් දැක නැත....
ඔබ සමග කතා කර නැත...
නමුත් මම
ඔබේ මිනිසත් කම අගය කල යුතුය....

"ඉලංදාරියා" නමින් බ්ලොග් ලියූ ඔබ...
මේ බ්ලොග් අවකාශයේ සැබැම මිනිසෙකි...
කිසිදා අමතක කල නොහැකි චරිතයකි....
අමරනීය වර්චුවල් මිතුරෙකි.....



දිලුම් අයියේ,කෙනෙක් නැතු වූ පසු ඔහුගෙන් ඇති වූ හිඩස දැඩිව දැනෙන්නා සේ.....ඔබෙන් ඇතිවූ හිඩස ද එසේම ය...මා ඔබ හඳුනන්නේ නැති වුවද,කතා බස් කලේ නැති වුවද,අඩුම තරමේ එසේ වුනි නම් කියා දැන් සිතේ...
නමුත් දැන් එය සිතිවිල්ලක්ම පමණි.
ඔබ අප සියලු දෙනා ම හැරදමා ගොස් ඇත...
මට ඔබට කියන්නට කිසි දෙයක් නැත...ඔබේ විපත ගැන මුලු හදින්ම කම්පා වෙමි.
මම ඔබට නිවන් සුව පතමි......

කෝපි කඩේ සහ බ්ලොග් ලියන සියලුම අය වෙනුවෙන් ඔබට ප්‍රාර්ථනා කරමි...
දිලුම් අයියේ ඔබට නිවන් සුව!!!
There was an error in this gadget

පස්සෙන් එන්න