සිංහල බ්ලොග් ලිවීම.[එදා සහ අද.]

මුලින්ම කියන්න ඕනේ මේ ලිපිය හරහා මම ලියන්නේ සිංහල බ්ලොග් ලියන එක ගැන මම පුද්ගලිකව දරන මතය.ඒ වගේම ඊයේ මාත් එක්ක චැට් එකකදී ඉස්සර අපිත් එක්ක සිංහල බ්ලොග් ලියපු අයියා කෙනෙක් එයාගේ අත්දැකීම්නුත් කිව්වා.
මුලින්ම මේ ගැන ලියන්න කලින් මෙන්න මේ ලිපි ගැන ඔයාලගේ අවධානය යොමු වුනානම් හොඳයි කියලා හිතෙනවා.

මේ ලිපිය මෙන්න මේ ලින්ක් එකෙන් ගිහින් බලන්නත් පුලුවන්

http://blog.pahans.com/2010/06/conspiracy-of-sindycators/#more-702

ඒක දැක්කහම ඇත්තටම කණගාටු හිතුනා.මොකද කිව්වොත් අපි අතරේ මොකටද රණ්ඩු ඇතිවෙන්නේ කියලා.මම සිංහල බ්ලොග් ලියන්න ආවේ මනුශාන් අයියා මගපෙන්නුව නිසා.ඒ දවස් වල තිබුනේ සිංහල බ්ලොග් කියවනය විතරයි.මම සෙට් වෙනකොට බ්ලොග් 300ක් තිබ්බෙත් නැ ඒ බ්ලොග් කියවනයේ.(මගේ මතකයට අනුව.සමහර විට වැරදි ඇති.)ඒ දවස් වල ලස්සනට වැඩේ ගියා.ප්‍රවීන් අයියා,කාලිංග අයියා,මනුශාන් අයියා,සහන් අයියා,සුදු මහත්තයා,බුධාජීව අයියා,සුදාරක අයියා වගේ ගොඩාක් අය ඒ දවස් වල සිංහල බ්ලොග් ලිව්වා.බ්ලොග් කියවනේට ගියහම හරී ලස්සන ලිපි පෙලක් තිබ්බා.ටෙක්නිකල්,අත්දැකීම්,විහිලුතහලු...හැමදේම හරී ලස්සනට.

පහුවෙනකොට තවත් අය බ්ලොග් ලියන්න ආවා.අලුතෙන් සින්ඩි ආවා.අලුත් අලුත් ලිපි එක එක මාතෘකා වලින් ලියවුනා.ඔය අතරේ ඇත්තටම මට හිතෙනවා එක එකාට කපන්න පටන් ගැනීමකුත් වුනා.කොච්චර උනත් අර ඉස්සර වගේ ලස්සනට වැඩේ යන්නේ නැති ගතියක් තිබ්බා.

ඔය අතරේ ඔය මම උඩින් නම් දාපු ගොඩාක් අය බ්ලොග් ලිවීල්ලෙන් ඇත් වෙලා.

කොහොම උනත් දැන් වෙනකොට සින්ඩි ගොඩාක් තියෙනවා.සිංහල බ්ලොග් ලියන්නොත් ගොඩාක් ඉන්නවා.නමුත් ඉස්සර තරම් ගතියක් යන්නේ නැ කියලත් හිතෙනවා.අර වගේ අදහස් දැක්කහම දුකක් නොදැනෙනවත් නෙවේ.

ඇත්තටම මම ඔය උඩින් දාපු ලින්ක් එක දුන්නෙත් අර චැට් එකට සෙට් වෙච්ච අයියා.ඌ ඕක දීලා කිව්වෙත් "දැන් සිංහල බ්ලොග් ලියන එවුන් සමහරුන්ට පිස්සු"වගේ අදහසක්.වෙලාවකට ඌ හරි කියලත් හිතෙනවා.

ලෝකේ වඳ වීගෙන යන ජාතියක ඉතාම සුළුතර පිරිසක් එකතු වෙලා තමන්ගේ දැනුම,අදහස් බෙදාගන්න තැනක මොකට එක එකා ගහමරා ගන්නවද කියලා.

එකපාරක් හැක් කරපු සීන් එකක් ඇදගෙන ආවා.(මම සීන් එකේ ඇත්ත නැත්ත දන්නේ නැ.හෙව්වත් මට ඒක අදාල වෙන්නේ නැ.)ඒක අල්ලගෙන තව බ්ලොග් එක්ක වලි ඇදගත්තා.අන්තිමට කරපු මගුලක් තියෙදත් මන්දා.

කොහොම උනත් ඒදවස් වල වගේ බොක්කෙන් බ්ලොග් ලියන උන් හිඟයි කියලයි මට හිතෙන්නේ සහ දැනෙන්නේ.ඔයාලට කොහොමද මන්දා.කොහොම උනත් එක ඉල්ලීමක් කරනවා.සිංහල බ්ලොග් ලියන අපි ගහමරා ගන්නේ නැතුව එකාට එකා සහයෝගෙන් බ්ලොග් ලියමු.එතකොට මේ සිංහල බ්ලොග් අවකාශය තව ලස්සන වෙයි.

දැන් මේක කියවපු කෙනෙක්ට මෙහෙම හිතෙන්න පුලුවන් නිසා මම මේ ටිකත් දාන්නම්.

1.මූ මේ මහලොකුවට කියන්නේ මූ ඉස්සර ඉඳන්ම බ්ලොග් ලියන එකෙක් කියලා.

නැ.මට ඒක කියන්න ඕන කමක් නැ.ඒක දැනගන්න ඕන කෙනෙක් ඉන්නවනම් ඒ දැනගන්න ඕන අය මාව දන්නවා.

2.මූ මෙහෙම ලිපියක් ලිව්වේ කහිල්ලකටද?

නැ.මට ඇති කැහිල්ලක් නැ.අමාරුවක් තියෙනම් ඒ තියෙන්නේ මේ බ්ලොග් අවකාසයේ වෙන විකාර දැකලා හැදෙන එකක් තමයි.මොකද මම මේ අවකාශයට ආදරෙයි.

3.මූ මේ ලිපිය ලියල බලාපොරොත්තු වෙන්නේ මොකක්ද?

බ්ලොග් අවකාශය මීට වඩා ලස්සන තැනක් කරගන්න.

වෙන ප්‍රශ්න තියෙනම් කමෙන්ට් එකකින් දාන්න.ආහ් තව එකක්.මේ ලිපියෙන් මම කවුරුවත් සුද්ද කරන්න නෙවේ.අනික සින්ඩි එකකටවත් මම මුකුත් කියන්නේ නැ.සින්ඩි තමයි ඇත්තටම අපට කියවන්නෝ ගෙනත් දෙන්නේ.ඒ නිසා මට සින්ඩි එකකටවත් කිසිම පුද්ගලයෙක්ටවත් අපහාසයක් හරි හිත රිදවීමක් හරි කරන්න ඕනකමක් නැ.