අනේ මූ වගේ මෝඩ හරහෙක්....

කැටියගෙ නවාතැනේ තිබ්බ පෝස්ට් 1ක් දැකල කෝච්චියෙ යද්දි වෙච්ච රස කතාවක් මතක් වුනා.මේ සීන් කෝන් එක වුනේ සීයා කෙනෙක්ට තමයි.මම සති අන්තෙ නිවාඩුවට ගෙදර ඇවිත් ආපහු යන්න සෙට් වෙන්නෙ කෝච්චියේ.
මගේ බෝඩිම් මන්දිරේ තිබ්බෙ පිලියන්දල. ඉතින් මොරටුවෙ බැහැල ගියාම මට ලේසියි.ඉතින් හවසට ගාල්ලෙන් යන කෝච්චි කට්ටෙ නැගල යද්දි තමයි සීන් එක වුනේ. හවස යන කෝච්චියෙ වැඩිය සෙනග නෑ.ඉතින් අම්බලන්ගොඩදි කෝච්චියට කොල්ලො සෙට් එකක් නැග්ගා.
මොකක් හරි ක්‍රීඩාවක් කරන සෙටාර් එකක් තමයි නැග්ගෙ ටික දුරක් යද්දි සෙටාර් එක සින්දු කියන්න ගත්ත.ඒත් සමහරුන්ට නම් ඒක වැඩිය ඇල්ලුවෙ නෑ.
ඒත් මට නම් ජොලි.නිදිමත නැතුව යන්න පුලුවන් නිසා.කොහොමහරි අලුත්ගමදි කෝච්චියට සීය කෙනෙක් නැග්ග.සීය හොඳ පදමට ගහල හිටියෙ.අර කොල්ලො සෙට් එකත් සීය සෙට් කරගෙන සින්දු කිය කිය ආව.ඔය අතරෙ සීය කියන කතාවලට කොල්ලොත් පැනි දාල අඹරල දෙනව.
ගොඩක් ස්ටේෂන් වල නිවේදන කටයුතු භාරව ඉන්නෙ "P........" Voice  එකක් තියෙන පොරවල් කියල කෝච්චි වල යන ගොඩක් අය ඒක දන්නව මං හිතන්නෙ.ඉතින් කලුතරට ආවම අර අයියා කෝච්චිය නවත්තන තැන් ටිකත් කියල.අන්තිමට මෙහෙම කිව්ව.
"3 පංතියේ ප්‍රවේශ පත්‍ර  ගත් මඟීන් 2 පංතියේ යාම දඬුවම් ලැබිය හැකි වරදකි.කරුණාකර 3 පංතියේ ප්‍රවේශ පත්‍ර ගත් මඟීන් 2 පංතියේ ගමන් කිරීමෙන් වැළකී සිටින්න."
එතකොටම සීයත් මල පැනල මෙහෙම කිව්ව.
"අනේ යකෝ 3 පංතියෙ ඉඳන් 2 පංතියට යන්නෙ මොන මෝඩයද.මම නම් කෙලින්ම 3 පංතියෙ ඉඳන් 4 පංතියට ගියේ..අනේ මූ වගේ මෝඩ හරහෙක්.."
මේක අහල අර කොල්ලො ටිකටයි ඒක ඇහුන අනික් අයටයි මැරෙන්න හිනා.පස්සෙ සීයා පානදුරෙන් බැහැල ගියා.