ලොකු ළමයෙක්.......

අවුරුද්ද හොදට කාපු නිසාත්,කලින් මගේ ආදර කතාව ලිව්ව නිසාත් මේ පාර ආතල් කතාවක් ලියන්න හිතුව.අනික අපේ කුරුං ගුරුං මලයත් මගේ ඔලුව කනව හැමදාම අද මුකුත් දාන්නෙ නැද්ද? අහල.මේකයි කතාව.

අපි O/L කරන කාලේ පංතියට අපේ යාලුවෙක් ආවම ගුරු මේසෙට දාල තියෙන රෙද්ද අරගෙන ආපු එකාගෙ ඔලුවට දාල ඌට ගහනව අම්බානෙක.ඉතින් එදා කවුරුත් ගුරුවරු අපේ පන්තියට ආවෙ නෑ.කොහොමහරි Free Period එකක දන්න කියන කොල්ලෙක් ආපු නිසා අපි ඌට හොඳට සැලකුව.ඉතින් නියම වැඩේ කියන්නෙ මූ හොඳට ගුටි කාල.රෙද්දත් ඔලුවෙ දාගෙන පන්තියෙන් එලියට ගියා.

එතකොටම මුගේ කරුමෙට අපේ අංශ භාර Sir ආව.Sir හිතුවෙ මූ කොල්ලොන්ට ආතල් එකක් දෙන්න මෙහෙම කරනව කියල.Sir කරපු වැඩේ මූ එක්කගෙන ගිහින් Sirගෙ Office එක ඉස්සරහ තිබ්බ.තියල නිකන් හිටියෙ නෑ.
 "රෙද්දෙන් ඔලුව වහගෙන ඉන්න"
කිව්ව.ඉතින් මූට කොහොම හරි Interval එකෙත් එහෙමම ඉන්න සිද්ධ වුනා.එක එක ගුරුවරු ඇවිත් රෙද්ද උස්සල බැලුව කවුද මේ ඉන්නෙ කියල.මූ දැන් ලැජ්ජාවෙ ඇඹරෙනව.අපේ පන්තියට මූ හිටපු තැන හොඳට පේනව. එතනට ආපු එක Sir කෙනෙක් මුගෙන් ඇහුවලු.
"ආහ් පුතේ උඹ මල්වර වුනාද?නැකත කීයටද තිබ්බෙ?"
කියල.මූට ඒ වෙලාවෙ පොලව පලාගෙන යන්න හිතිල.ඌ හැබැයි හොඳ කොල්ල ඇවිල්ල අපිට ඒකත් කිව්ව.අපිට පස්සෙ කරපු වැඩේට පව් කියලත් හිතුනා.