උදාවන සිංහල - දෙමළ අලුත් අවුරුද්දට කෝපි කඩෙන් සුභපැතුම්!

කුරුං ගුරුං මහතාගේ සුභ පැතුම!!!

ඇත්තටම මේ එළඹිලා තියෙන්නේ ඉතාම වටිනා සංස්කෘතික වටිනාකමක් තියෙන අවස්ථාවක්.අපි මෙතනදි කියන්න ඕන මේ රට වසර 30 ක යුද්ධයෙන් බේරගෙන මුළු රටම අවුරුද්ද සමරන අවස්ථාවක් කියන එක.ඒ වගේම ඒ උදාර රණවිරුවන්,ඔවුන්ගේ පවුල්වල උදවිය වගේම සියලුම අයට මේ අවස්ථාවෙදී සුභම සුභ අලුත් අවුරුද්දක් ප්‍රාර්ථනා කරන්න ඕන.
මේ එළඹිලා තියෙන අවස්ථාවේදී අපි ඉදිරියට එන මාස 12 පිළිබඳව සැලැස්මක් හදාගෙන ඒ අනුව ක්‍රියාත්මක වෙන්න ඕන.හැමදේම අලුත් කරගන්න ඕන.අලුත් විදියට හිතන්න,කටයුතු කරන්න ඕන.
ජාති බේද නැති,කුළ භේද නැතිව මේ අවුරුද්ද සමරන්න අපි ආරාධනා කරනව.තවත් දෙයක් මතක් කරන්න ඕන.අපේ පත්තර මල්ලිලා කලින්ම මතක් කලානේ අවුරුදු සතියේ බාර් වහනවා කලින්ම තමන්ට ඕන වර්ග වලින් ගන්න කියලා.අන්න ඒ ගනිපුවයින් ගානට අනුමත වෙන්න ඕන.පොලීසියේ උදවියටත් අවුරුදු කන්න දෙන්න එපාය.ඕන්න හෙට උදේට බාර් එක ගාවට ගිහින් පිකටිං එහෙම කොරන්ට එපා ඕං.

ශොට් එක වැඩි උනොත් එහෙම කට වහගෙන නිදාගන්නවලා.නැත්නම් ඔබතුමන්ලා කැ ගැහුවොත් අල්ලපු ගෙදර නෝන මහත්තය එහේ මහත්තයට අනුමත වෙන්න දෙන්නෙත් නැ ඕං.
ගහගන්න ම ඕනනම් ඔය වසරම කිරි එරෙන්ට කියල ගොහින් කොස් ගහකට කිරි බේරනකම්ම ගහනවලාකෝ.

එහෙනම් ඕං කිව්ව. සමස්ත ලෝකවාසී සියලුම රටවැසියන්ට සුභම සුභ නව අවුරුදු මංගල්‍යයයක් වේවා!

මම,
මිස්ටර් කුරුං ගුරුං


ප.ලි.
ඔය බොන පාට් ලිව්වේ ආතල් එකට විතරමය.ඕවා නැතුව නෝන මහත්තයව අවුල් කරගන්නේ නැතුව(මොන නෝන මහත්තයද කැමති තමාගේ සුවාමි පුරුසය බොනවට?) සුභම අලුත් අවුරුද්දක් සමරන්නකෝ එහෙනම්.

ගජං මල්ලි මහතාගේ සුභ පැතුම!!!

 ලැබුවා වූ අලුත් අවුරුද්ද බ්ලොග් ලියන සියලු දෙනාටත්,ලංකා වාසී සියලු දෙනාටත්,කිරි පැනි ඉතිරෙන,සියලු ප්‍රාර්ථනා ඉටුවෙන, ආදරය ඉතිරෙන,සුබම සුබ  වාසනාවන්ත අලුත් අවුරුද්දක් වේවා.........!!!!!!!!!!!!!!

මම,
මිස්ටර් ගජං මල්ලි